Сироҷиддин Муҳриддин бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуд
ДУШАНБЕ, 21.03.2026 /АМИТ «Ховар»/. Дар ҳошияи таҷлили Рӯзи ҷаҳонии об Вазири корҳои хориҷии Ҷумҳурии Тоҷикистон Сироҷиддин Муҳриддин дар шаҳри Ню-Йорк бо муовини Дабири кулли Созмони Милали Муттаҳид оид ба масъалаҳои иқтисодӣ ва иҷтимоӣ Ли Ҷунҳуа мулоқот намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни вохӯрӣ ҳамкории Тоҷикистон бо СММ дар соҳаҳои иқтисодӣ, иҷтимоӣ, экологӣ ва пешрафтҳои бадастомада дар татбиқи Ҳадафҳои Рушди Устувор баррасӣ шуданд.
Вазири корҳои хориҷӣ Сироҷиддин Муҳриддин таъкид кард, ки ноил шудан ба Ҳадафҳои рушди устувори СММ яке аз авлавиятҳои асосии Тоҷикистон буда, дар ин зимн ташаббусҳои ҷаҳонии кишвар барои пешбурди Рӯзномаи ҷаҳонии об, ҳифзи пиряхҳо ва мубориза бо тағйирёбии иқлим саҳми назаррас мегузоранд.
Инчунин ҷонибҳо дар мавриди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» табодули афкор намуданд. Дар ин росто қайд гардид, ки чорабинии мазкур заминаи мустаҳкам ва пайвастаро барои омодагии муассир ва баргузории бомуваффақияти Конфронсҳои оби СММ дар солҳои 2026 ва 2028 фароҳам хоҳад овард.
АКС: Вазорати корҳои хориҷии Ҷумҳурии Тоҷикистон
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
