«ТОҶИКОНА МЕПӮШЕМ!». Бахшида ба Рӯзи Модар дар ноҳияи Рӯдакӣ ҳамоиш доир шуд
РӮДАКӢ, 02.03.2026 /АМИТ «Ховар»/. Дар ноҳияи Рӯдакӣ бахшида ба Рӯзи Модар таҳти унвони «Тоҷикона мепӯшем!» ҳамоиш баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Иштирокчиёни ҳамоиш бо либосҳои миллӣ, аз ҷумла атласу адрас ва дигар намунаи ҳунари волои мардумӣ бо руҳияи баланди ватандӯстӣ ба кӯча баромаданд.
Мақсади асосии баргузории ҳамоиш тарғиби либоси миллӣ ва баланд бардоштани завқи зебоипарастии шаҳрвандон, таҳкими ҳисси худшиносии миллӣ ва арҷгузорӣ ба фарҳангу анъанаҳои неки ниёгон мебошад. Баргузории ҳамоиши «Тоҷикона мепӯшем!» ҳамчунин ба ҳифзи арзишҳои миллӣ ва муаррифии фарҳанги ғании тоҷикон мусоидат менамояд.
Гуфта шуд, ки баргузории чунин ҳамоишҳо дар замони ҷаҳонишавӣ барои ҳифзи асолати миллӣ ва муаррифии симои фарҳангии миллат аҳамияти хосса доранд.
Ҳамоиш дар фазои ҳамдигарфаҳмӣ, ифтихори миллӣ ва ҳамбастагии шаҳрвандон баргузор гардида, нишон дод, ки сокинони ноҳияи Рӯдакӣ нисбат ба фарҳангу суннатҳои миллӣ эҳтироми хосса зоҳир менамоянд.
АКС: Мақомоти иҷроияи ҳокимияти давлатии ноҳияи Рӯдакӣ
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
