ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
ДУШАНБЕ, 08.04.2026. /АМИТ «Ховар»/. Варзишгардухтари шинохтаи тоҷик Миҷгона Самадова дар Чемпионати Осиё оид ба бокс, ки дар шаҳри Улан-Батори Муғулистон идома дорад, бо рақобатҳои ҷолиб ва нерусанҷии қавӣ соҳиби медали биринҷӣ гардид.
Дар рӯзи нуҳуми мусобиқа рақобатҳои марҳилаи нимниҳоӣ баргузор шуданд. Дар ин марҳилаи мусобиқа аз Тоҷикистон Миҷгона Самадова дар вазни 57 кг ва Некрӯз Салимов дар вазни 80 кг иштирок намуданд.
Миҷгона Самадова дар вазни 57 кг дар марҳилаи нимниҳоӣ бо намояндаи Тайланд Пунрави Руэнрос неру санҷид. Дар ин рақобат Миҷгона давоми се раунд ба муқобили Руэнрос ба таври арзанда сабқат карда, бо қарори ҷудогонаи доварон бо ҳисоби 4 бар 1 мағлуб шуд ва соҳиби медали биринҷӣ гардид. Барои Миҷгона Самадова ин дуюмин медали биринҷӣ дар Чемпионати Осиё мебошад. Қаблан, Миҷгона Самадова дар Чемпионати Осиёи соли 2021 дар шаҳри Дубай медали биринҷӣ гирифта буд.
Ҳамчунин муштзани дигари тоҷик Некрӯз Салимов дар вазни 80 кг дар Чемпионати Осиё оид ба бокс дар шаҳри Улан-Батори Муғулистон соҳиби медали биринҷӣ гардид. Некрӯз Салимов дар марҳилаи нимниҳоии чемпионат бо намояндаи Урдун Ҳусейн Ишаиш рақобат намуд. Некрӯз Салимов бо зарбаҳои ҳадафрас се раунд ба муқобили муштзани урдунӣ рақобат кард ва дар охир бо қарори ҷудогонаи доварон бо ҳисоби 4 бар 1 Хусейн Ишаиш пирӯз дониста шуд. Муштзани тоҷик ҳамин тавр медали биринҷии мусобиқаро ба даст овард, ки барояш нахустин медали биринҷии Чемпионати Осиё мебошад.
Ёдовар мешавем, ки Чемпионати Осиё оид ба бокс 30 март дар шаҳри Улан-Батори Муғулистон оғоз шуда, то 10 апрел идома меёбад. Дар мусобиқа намояндагони 25 давлати ҷаҳон ва 230 муштзан иштирок доранд. Ин мусобиқа таҳти сарпарастии World Boxing баргузор мешавад.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
