Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроӣ панелҳои офтобӣ насб карда шуданд
ДУШАНБЕ, 10.04.2026. /АМИТ «Ховар»/. Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроии Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон панелҳои офтобӣ насб карда шуданд. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Имрӯз президенти Академияи миллии илмҳои Тоҷикистон Қобилҷон Хушвахтзода бо як гурӯҳ олимону кормандон бо макони насби панелҳои офтобӣ шинос шуд.
Панелҳои офтобӣ аз ҷониби кормандони Институти физикаю техникаи ба номи С. Умаров таҳия ва омода карда шудаанд.
Насби чунин таҷҳизоти муосир имконият фароҳам меорад, то муассиса бо неруи барқи тоза ва аз лиҳози экологӣ безарар таъмин гардида, ҳамзамон сатҳи истифодаи самараноки захираҳои энергетикӣ баланд бардошта шавад. Ин иқдом инчунин метавонад ҳамчун намунаи таҷрибаи пешқадам барои татбиқи технологияҳои «сабз» дар дигар муассисаҳои илмӣ ва соҳаҳои мухталифи иқтисоди миллӣ хизмат намояд.
Иброз гардид, ки аз ҷониби Мақомоти иҷроияи ҳокимияти давлатии шаҳри Душанбе ва бо мақсади сарфа кардани неруи барқ минбаъд дар тамоми биноҳои баландошёнаи истиқоматӣ, муассисаҳои таҳсилоти олӣ ва муассисаҳои таълимие, ки сохта ба истифода дода мешаванд, бояд панелҳои офтобӣ насб карда шаванд. Вобаста ба ин аз ҷониби кормандони илмии Академияи миллии илмҳои Тоҷикистон сохта, ба истифода додан ва насби панелҳои офтобӣ ба роҳ монда шудааст.
АКС: Академияи миллии илмҳои Тоҷикистон
Дар Академияи миллии илмҳои Тоҷикистон бо намояндагони Агентии байналмилалии неруи атомӣ вохурӣ доир шуд
Дар Институти масъалаҳои об, гидроэнергетика ва экология бо намояндагони Агентии байналмилалии энергияи атомӣ мулоқот доир гардид
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
ҶОИЗАИ БАЙНАЛМИЛАЛИИ АБУАЛӢ ИБНИ СИНО ДАР СОҲАИ ТИБ. Марҳалаи нави муаррифии саҳми тоҷикон дар рушди илми ҷаҳонӣ оғоз гардид
Дар даври ноҳиявии Озмуни ҷумҳуриявии «Илм – фурӯғи маърифат» 114 нафар иштирок намуд
Дар мавзуи «Низоми муносибатҳои байналмилалӣ дар вазъи имрӯзаи бисёрқутба» конференсияи ҷумҳуриявӣ доир гардид
Муколамаи миллӣ дар мавзуи «Арзёбии хатари хушксолӣ ва устувории он дар Осиёи Марказӣ» баргузор шуд
Оид ба ошкорнамоии муомилоти ғайриқонунии маводи ҳастаӣ ва дигар маводи радиоактивӣ даври омӯзишӣ идома дорад
Дар мавзуи «Криосфераи Тоҷикистон дар шароити тағйирёбии иқлим: дастовард ва дурнамо» чорабинии канорӣ доир шуд
Иқдоми навбатии Сарвари давлат гувоҳи арҷгузории Қаҳрамони Тоҷикистон ба қаҳрамонии қаҳрамонон аст
Илмомӯзӣ – ватандӯстӣ – амният: се рукни асосии стратегии рушди миллии Тоҷикистон
Дар мавзуи нақши осорхонаҳо дар ҳифзи мероси таърихию фарҳангӣ конференсияи ҷумҳуриявӣ доир шуд
