Дар ноҳияи Рӯдакӣ ҷаласаи Шурои ҳамоҳангсози мақомоти ҳифзи ҳуқуқ баргузор шуд
РӮДАКӢ, 15.04.2026. /АМИТ «Ховар»/. 14 апрел ҷаласаи Шурои ҳамоҳангсози мақомоти ҳифзи ҳуқуқи ноҳияи Рӯдакӣ баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Дар ҷаласа, ки таҳти раёсати раиси Шурои ҳамоҳангсози мақомоти ҳифзи ҳуқуқи ноҳия — прокурори ноҳияи Рӯдакӣ Мутеъулло Раҷабзода доир шуд, натиҷаҳои таҳлил ва ҷамъбасти ҳолати риоя ва иҷрои талаботи қонунгузории Ҷумҳурии Тоҷикистон дар самти муқовимат ба экстремизм ва терроризм мавриди баррасӣ қарор гирифтанд.
Дар ҷаласа оид ба натиҷаҳои таҳлил ва ҷамъбасти ҳолати риоя ва иҷрои қонунҳои Ҷумҳурии Тоҷикистон «Дар бораи муқовимат ба экстремизм» ва «Дар бораи муқовимат ба терроризм» дар соли 2025 ва иҷрои «Барномаи барқарорсозӣ ва реинтегратсияи шахсони дорои гузаштаи экстремистӣ ё террористӣ дар Ҷумҳурии Тоҷикистон барои солҳои 2024-2028» ва «Барномаи барқарорсозӣ ва ба ҳаёти муқаррарӣ мутобиқ намудан ва бо ҷойи кору таҳсил таъмин намудани занону кӯдакони аз минтақаҳои амалиёти ҷангӣ баргардонидашуда барои солҳои 2023-2026» дар ноҳияи Рӯдакӣ маълумоти муфассал пешниҳод гардид.
Дар музокираҳо иштирокчиён ба зарурати тақвияти чораҳои пешгирикунанда, махсусан дар шабакаҳои иҷтимоӣ таваҷҷуҳ зоҳир намуда, таъкид карданд, ки ошкор ва пешгирии саривақтии ҷиноятҳои дорои хусусияти террористию экстремистӣ бояд ҳамчун самти афзалиятноки фаъолияти мақомоти ҳифзи ҳуқуқ муайян гардад.
Дар ҷаласа барои беҳтар намудани фаъолияти сохторҳои дахлдор ва бартараф намудани камбудиҳои ҷойдошта дастуру супоришҳои мушаххас дода шуд. Ҳамчунин ба мақомоти прокуратура ва дигар сохторҳои дахлдор супориш дода шуд, ки назоратро дар самти иҷрои «Барномаи барқарорсозӣ ва реинтегратсияи шахсони дорои гузаштаи экстремистӣ ё террористӣ барои солҳои 2024–2028» пурзӯр намуда, ҳамзамон барои баланд бардоштани масъулияти шахсони масъул тадбир андешанд.
Ба роҳбарияти Раёсати маорифи ноҳия тавсия дода шуд, ки корҳои тарғиботию фаҳмондадиҳиро дар муассисаҳои таълимӣ густариш дода, дар самти пешгирии ифротгароӣ ва тарбияи ҷавонон дар руҳияи худшиносии миллӣ ва ватандӯстӣ тадбирҳои муассир андешанд. Дар баробари ин ба бахшҳои кор бо ҷавонон ва варзиш, фарҳанг ва дигар сохторҳои дахлдор супориш дода шуд, ки барои ҷалби наврасону ҷавонон ба ҳаёти солим ва ташкили чорабиниҳои варзишиву фарҳангӣ чораҳои иловагӣ бинанд.
АКС: Мақомоти иҷроияи ҳокимияти давлатии ноҳияи Рӯдакӣ
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
