Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
ДУШАНБЕ, 27.04.2026. /АМИТ «Ховар»/. Масъалаҳои густариши ҳамкории иқтисодӣ, ҷалби сармояи хориҷӣ, рушди инфрасохтори шаҳр ва татбиқи лоиҳаҳои муштараки иҷтимоӣ зимни вохӯрии Раиси шаҳри Бӯстон бо сармоягузорон аз Федератсияи Русия баррасӣ гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Бӯстон хабар доданд.
Дар мулоқот иброз гардид, ки таҳкими равобити дӯстона ва ҳамкории мутақобилан судманди Федератсияи Русия ва Ҷумҳурии Тоҷикистон дар доираи сиёсати хирадмандонаи роҳбарони ду давлат — муҳтарам Эмомалӣ Раҳмон ва муҳтарам Владимир Путин ба марҳилаи нави рушд ворид гардидааст.
Ҷонибҳо омодагии худро барои тавсеаи ҳамкории судманд, татбиқи лоиҳаҳои муштарак ва саҳмгузорӣ дар рушди минбаъдаи шаҳр изҳор доштанд. Онро қадами муҳим дар роҳи пешрафт ва ободонии шаҳр арзёбӣ намуданд.
Сармоягузорон пас аз вохӯрӣ бо имкониятҳои рушди шаҳр аз наздик шинос шуданд. Онҳо изҳор намуданд, ки бо дарназардошти аҳамияти фароғатӣ ва сайёҳии кӯли шаҳр, тасмим гирифтаанд, ки дар ҳамкорӣ бо мақомоти маҳаллӣ лоиҳаи таъмиру барқарорсозии онро амалӣ намоянд.
Ин иқдом метавонад беҳсозии инфрасохтор, бунёди мавзеъҳои истироҳатӣ ва фароҳам овардани шароити замонавӣ барои сокинон ва меҳмонон бошад.
Инчунин ба ҷалби сайёҳон, рушди соҳаи хизматрасонӣ ва баланд бардоштани мақоми шаҳр ҳамчун як макони зебои сайёҳӣ мусоидат намояд.
АКС: Мақомоти иҷроияи ҳокимияти давлатии шаҳри Бӯстон
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
