Дар шаҳру ноҳияи вилояти Хатлон намоиш-фурӯши китоб доир гардид
ДУШАНБЕ, 10.04.2026. /АМИТ «Ховар»/. 9 апрел аз ҷониби Вазорати фарҳанги Ҷумҳурии Тоҷикистон дар шаҳри Кӯлоб ва ноҳияи Вахш намоиш-фурӯши китоб доир гардид.
Тавре ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд, дар намоиш-фурӯши китобҳои тозанашри Муассисаи нашриявии «Адиб» дар шаҳри Кӯлоб беш аз 130 номгӯй ва зиёда аз 5000 нусха китоб пешниҳод гардид.
Ҳамчунин аз ҷониби Нашриёти ҷумҳуриявии «Ирфон» дар ноҳияи Вахш намоиш-фурӯши асарҳои Президенти Ҷумҳурии Тоҷикистон ва дигар осори арзишманди илмию адабӣ баргузор карда шуд.
Иброз гардид, ки тоҷикон аз даврони хеле куҳан соҳибхату соҳибкитоб буда, ин арзиши маънавиро давоми асрҳои зиёд эҳтиром ва ҳифзу арҷгузорӣ намуда, дар рушди такомули он саҳми арзишманд гузоштаанд. Дар замони соҳибистиқлолии мамлакат аз ҷониби Ҳукумати Ҷумҳурии Тоҷикистон бо дастгириҳои Президенти мамлакат муҳтарам Эмомалӣ Раҳмон дар радифи соҳаҳои гуногуни илму маърифат ба соҳаи китобу китобдорӣ низ таваҷҷуҳи хосса зоҳир гардид.
Ин иқдом бо ҳадафи густариши фарҳанги китобхонӣ ва баланд бардоштани маърифати ҷомеа гузаронида шуда, таваҷҷуҳи васеи сокинонро ҷалб кард.
Дар намоиш аз ҷониби муассиса зиёда аз 230 номгӯй китоб, дар маҷмуъ беш аз 8000 нусхаи осори адабӣ, илмӣ, таърихӣ ва сиёсӣ ба маърази тамошо ва фурӯш гузошта шуданд. Китобҳо гуногунмавзуъ буда, ниёзҳои хонандагони синну соли мухталифро қонеъ мегардонанд.
Дар доираи ин чорабинӣ бо иштироки сокинони ноҳияи Вахш маҳфили маърифатӣ низ баргузор гардид. Дар он директори нашриёти «Ирфон», адибону шоирони шинохта ва дигар аҳли қалам суханронӣ намуда, доир ба аҳамияти китобу китобхонӣ, нақши он дар рушди маънавии ҷомеа ва тарбияи насли ҷавон андешаҳои ҷолиб иброз доштанд.
Ҳадафи баргузор намудани намоиш-фурӯши китоб оммавигардонӣ ва дастраси насли наврасу ҷавон намудани китобҳо мебошад.Зеро китобхонӣ дониш, ҷаҳонбинӣ, ифтихору ғурури миллӣ, дӯстдории Ватан, арҷгузорӣ ба муқаддасоти миллиро дар замири ҷавонон ва наврасон бедор мекунад.
Чунин намоиш-фурӯши китобҳо аз ҷониби Вазорати фарҳанги Тоҷикистон дар дигар шаҳру ноҳияҳои мамлакат низ доир мегардад.
АКС: Вазорати фарҳанги Ҷумҳурии Тоҷикистон
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
