Мотосиклронҳои шаҳри Душанбе ғолиби пойгаи мотосиклронӣ барои Ҷоми Раиси вилояти Хатлон шуданд
ДУШАНБЕ, 13.04.2026. /АМИТ «Ховар»/. Бахшида ба Ҷашни байналмилалии Наврӯз дар шаҳри Левакант бо ибтикори Муассисаи давлатии «Мададгори мудофиа»-и Вазорати мудофиаи Ҷумҳурии Тоҷикистон барои дарёфти Ҷоми Раиси вилояти Хатлон пойгаи мотосиклронӣ гузаронида шуд.
Тавре ба АМИТ «Ховар» аз Вазорати мудофиаи Ҷумҳурии Тоҷикистон хабар доданд, дар мусобиқа дастаҳо аз шаҳрҳои Душанбе, Бохтар, Турсунзода, Левакант, Кӯлоб ва ноҳияҳои Ёвону Абдураҳмони Ҷомӣ иштирок намуданд.
Дар ин мусобиқа варзишӣ бештар ҷавонон иштирок намуданд. Нахуст даври санҷишӣ доир гардида, сипас сабқат барои фатҳи марра байни мотосиклҳои ҳаҷми муҳаррикашон 125, 250, 350 ва 500 метри мукааб баргузор гардид.
Аз рӯи ҷамъбасти натиҷаҳои ниҳоии мусобиқа дастаи мотосиклронҳои шаҳри Душанбе мақоми аввал, дастаи мотосиклронҳои шаҳри Турсунзода ҷойи дуюм ва мотосиклронҳои вилояти Хатлон мақоми сеюмро ишғол намуданд.
Ғолибон аз рӯи ҳисоби даставӣ ва шахсӣ бо Ҷом, медал, Диплом ва туҳфаҳои хотиравӣ қадрдонӣ карда шуданд.
Бояд гуфт, ки Ҳукумати ҷумҳурӣ ба рушди устувори соҳаи варзиш диққати ҷиддӣ дода, барои дастгирии варзишгарони ҷавон ва равнақи бештари ин соҳа дар саросари ҷумҳурӣ тадбирҳои муҳимро амалӣ менамояд.
Мотосиклронӣ ҳамчун навъи ҳарбӣ-техникии варзиш аз варзишгар малакаи баланди ронандагӣ, суръатнокӣ ва чолокӣ дар идоракунии онро тақозо дорад. Моҳияти асосии ин навъи варзиш бедор намудани шавқу завқи наврасону ҷавонон нисбат ба техника ва омода намудани онҳо барои рондани воситаҳои техникии калонҳаҷм мебошад.
АКС: Вазорати мудофиаи Ҷумҳурии Тоҷикистон
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
