Серҷио Гор: «Доналд Трамп саҳми Президенти Тоҷикистон Эмомалӣ Раҳмонро дар таъмини субот дар Тоҷикистон ва минтақа баланд арзёбӣ менамояд»
ДУШАНБЕ, 28.04.2026. /АМИТ «Ховар»/. «Президенти Иёлоти Муттаҳидаи Амрико Доналд Трамп саҳми Президенти Ҷумҳурии Тоҷикистон муҳтарам Эмомалӣ Раҳмонро дар таъмини субот дар Тоҷикистон ва минтақа баланд арзёбӣ менамояд», — гуфт пас аз мулоқот дар нишасти хабарӣ Фиристодаи махсуси Президенти Иёлоти Муттаҳидаи Амрико дар Осиёи Ҷанубӣ ва Марказӣ Серҷио Гор.
Иброз гардид, ки ҳайати Иёлоти Муттаҳидаи Амрико бо сафари расмии дурӯза дар Душанбе қарор дошта, дар доираи он якчанд мулоқоти муҳим баргузор шуданд. Аз ҷумла, мулоқоти судманд бо Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон.
Ба таъкиди Серҷио Гор, Тоҷикистон ва Иёлоти Муттаҳидаи Амрико бахусус дар самти мубориза бо терроризм ва муқовимат ба таҳдидҳои берунӣ манфиатҳои муштарак доранд. Ин мавзуъҳо дар мулоқот бо Президенти Тоҷикистон муҳтарам Эмомалӣ Раҳмон баррасӣ гардиданд. Ҷонибҳо ҳамзамон ба густариши ҳамкорӣ дар таъмини амнияти ҳарду давлат таваҷҷуҳ зоҳир намуданд.
Ҳамчунин масъалаи имконияти рушди ҳамкории иқтисодӣ мавриди баррасӣ қарор гирифт. Таъкид гардид, ки барои густариши ҳамкорӣ байни соҳибкорони ду кишвар ва татбиқи лоиҳаҳои муштарак заминаи мусоид мавҷуд аст.
Серҷио Гор гуфт, ки Ҷумҳурии Тоҷикистон дар меҳвари таваҷҷуҳи Иёлоти Муттаҳидаи Амрико қарор дошта, ҷонибҳо ба тақвияти ҳамкорӣ, махсусан дар бахши иқтисодӣ ҳавасманд мебошанд.
Ҳамчунин иброз гардид, ки Иёлоти Муттаҳидаи Амрико ба густариши робитаҳо бо кишварҳои минтақа, аз ҷумла Тоҷикистон таваҷҷуҳи бештар зоҳир намуда, мулоқоти роҳбарони ду кишвар дар Вашингтон қадами муҳим дар рушди муносибатҳои дуҷониба арзёбӣ мегардад.
«Ҷонибҳо барои идомаи таҳкими муносибатҳо ва ба сатҳи нав баровардани ҳамкории дуҷониба изҳори омодагӣ намуданд», — гуфт дар анҷом Фиристодаи махсуси Президенти Иёлоти Муттаҳидаи Амрико дар Осиёи Ҷанубӣ ва Марказӣ Серҷио Гор.
АКС: АМИТ «Ховар»
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
Ҳамкории Тоҷикистон ва Австрия дар доираи созмонҳои байналмилалӣ баррасӣ шуд
Дар Женева ҳамкории Тоҷикистон ва Созмони ҷаҳонии тандурустӣ баррасӣ гардид
Вазири корҳои хориҷии Кипр Константинос Комбос дар пояи муҷассамаи Исмоили Сомонӣ гулчанбар гузошт
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
