Таҳкими низоми таъмини бехатарии озуқаворӣ ва мутобиқшавӣ ба тағйирёбии иқлим дар Тоҷикистон бо БОР баррасӣ гардид
ДУШАНБЕ, 08.04.2026. /АМИТ «Ховар»/. Масъалаҳои таҳкими низоми таъмини бехатарии озуқаворӣ ва мутобиқшавӣ ба тағйирёбии иқлим 7 апрел дар Кумитаи бехатарии озуқавории назди Ҳукумати Ҷумҳурии Тоҷикистон дар мулоқоти раиси кумита Муҳаммадсаид Файзуллозода ва директори Идораи бахши кишоварзӣ, озуқаворӣ, табиат ва рушди деҳоти Бонки Осиёии Рушд Ҷянфэн Чжан мавриди баррасӣ қарор гирифтанд.
Тавре ба АМИТ «Ховар» аз Кумитаи бехатарии озуқаворӣ хабар доданд, дар вохӯрӣ ҷонибҳо аз сатҳи имрӯзаи ҳамкории дуҷониба изҳори қаноатмандӣ намуда, таъкид карданд, ки ҳамкорӣ байни Ҷумҳурии Тоҷикистон ва Бонки Осиёии Рушд солҳои охир тамоюли рушд дошта, ба татбиқи якчанд лоиҳаи муҳими иҷтимоию иқтисодӣ, махсусан дар соҳаи кишоварзӣ ва таъмини бехатарии озуқаворӣ мусоидат менамояд.
Ҳамчунин ҳамсуҳбатон ба масъалаҳои амалӣ намудани технологияҳои муосир дар истеҳсолоти кишоварзӣ, рақамикунонии соҳа, баланд бардоштани ҳосилнокӣ ва беҳтар намудани инфрасохтори соҳаи аграрӣ таваҷҷуҳи махсус зоҳир намуданд.
Раиси Кумитаи бехатарии озуқаворӣ аз дастгирии пайваста ва саҳми назарраси Бонки Осиёии Рушд дар татбиқи лоиҳаҳои афзалиятнок дар Тоҷикистон ёдовар шуд. Иброз гардид, ки ин ҳамкорӣ дар таъмини рушди устувори иқтисодӣ ва баланд бардоштани сатҳи зиндагии аҳолӣ нақши калидӣ мебозад.
Ҳамзамон ҷонибҳо масъалаҳои густариши ҳамкории минбаъда, ҷалби сармоягузориҳои нав, татбиқи барномаҳои муштарак ва таҳияи лоиҳаҳои навро, ки ба рушди бахши аграрӣ, баланд бардоштани сатҳи амнияти озуқаворӣ ва таъмини рушди устувори деҳот равона шудаанд, мавриди табодули афкор қарор доданд.
Дар анҷоми вохӯрӣ ҷонибҳо изҳори умедворӣ карданд, ки натиҷаҳои он ба таҳкими бештари ҳамкорӣ ва татбиқи самараноки лоиҳаҳои ояндадор мусоидат менамоянд.
АКС: Кумитаи бехатарии озуқавории назди Ҳукумати Ҷумҳурии Тоҷикистон
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
