ТАҚВИМИ АМИТ «ХОВАР»: имрӯз 21 апрел, сешанбе, 111-умин рӯзи соли 2026 аст

21 апрели соли 1997 Президенти Ҷумҳурии Тоҷикистон муҳтарам Эмомалӣ Раҳмон Фармон «Дар бораи пурзӯр кардани мубориза бар зидди терроризм»-ро ба имзо расониданд.

***

21 апрели соли 2005 сохтмони Неругоҳи барқи обии  «Сангтӯда-1» оғоз гардид. Неругоҳ соли 2009 ба истифода дода шуд.

***

Дар ин рӯзи соли 2018 бахшида ба Рӯзи пойтахти Ҷумҳурии Тоҷикистон – шаҳри Душанбе Раиси шаҳри Душанбе Рустами Эмомалӣ бо намояндагони соҳаҳои маорифу тандурустӣ, кормандони раёсатҳои истифодабарии роҳҳои пойтахт, мақомоти ҳифзи ҳуқуқ ва  хонандагону донишҷӯёни болаёқати шаҳр мулоқот анҷом доданд.

21 АПРЕЛ:

Рӯзи ҷаҳонии эҷодкорӣ ва фаъолияти инноватсионӣ

***

Рӯзи бузургдошти Саъдии Шерозӣ (бо қарори ЮНЕСКО ҷашн гирифта мешавад).

РӮЙДОДҲО:

21 апрели соли 2003 дар шаҳри Хуҷанд Созишнома оид ба ҳамкории тиҷоратӣ-иқтисодӣ,  илмӣ-техникӣ ва фарҳангӣ байни вилояти Суғди Тоҷикистон ва вилояти Ҷанубии Қазоқистон ба имзо расид.

***

21 апрели соли 2016 дар шаҳри Душанбе рушди соҳаи ҳунарҳои мардумӣ дар Тоҷикистон муҳокима карда шуд.

***

Дар ин рӯзи соли 2016 ҳайати Тоҷикистон дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай дар Остона иштирок намуд.

***

21 апрели соли 1954 Иттиҳоди Шуравӣ ба созмони ЮНЕСКО ворид гардид.

***

21 апрели соли 1936 Театри мусиқӣ-мазҳакавии Кӯлоб ба номи Саидалӣ Вализода таъсис ёфт.

***

21 апрели соли 2013 нахустин фестивал-намоишгоҳи коллексияҳои мошинҳо «Авто-ретро Душанбе» дар шаҳри Душанбе баргузор гардид.

***

Соли 1944 дар Фаронса бори нахуст занҳо ҳуқуқи дар интихобот иштирок карданро ба даст оварданд.

***

Соли 1951 Кумитаи миллии олимпии Иттиҳоди Шуравӣ таъсис ёфт.