ТАҚВИМИ АМИТ «ХОВАР»: имрӯз 27 апрел, душанбе, 117-умин рӯзи соли 2026 аст

27 апрели соли 2025 Президенти Ҷумҳурии Тоҷикистон муҳтарам Эмомалӣ Раҳмон ба Раиси Ҷумҳурии Исломии Эрон муҳтарам Масъуд Пизишкиён барқияи изҳори тасаллӣ ирсол намуданд.

***

27 апрели соли 2016 Президенти Ҷумҳурии Тоҷикистон муҳтарам Эмомалӣ Раҳмон дар мавзеи хушбоду ҳавои соҳили дарёи Вахш Истироҳатгоҳи замонавии «Пули Сангин»-ро ифтитоҳ намуданд.

***

27 апрели соли 2016 дар доираи сафари корӣ ба шаҳри Норак Президенти Ҷумҳурии Тоҷикистон муҳтарам Эмомалӣ Раҳмон ба Неругоҳи барқи обии “Норак” ташриф оварда, муҳимтарин қисмати ин иншооти стратегӣ – дастгоҳи тақсимкунандаи пӯшидаи элигазии 500 кВ-ро мавриди истифода қарор доданд.

***

27 апрели соли 2022  Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Корея муҳтарам Мун Чжэ ба муносибати 30-солагии барқароршавии  робитаҳои дипломатии байнидавлатӣ  мубодилаи барқияҳои табрикӣ намуданд.

***

27 апрели соли 2023 дар ноҳияи Данғара Президенти Ҷумҳурии Тоҷикистон муҳтарам Эмомалӣ Раҳмон бо роҳбарон ва фаъолони вилояти Хатлон мулоқот намуданд.

РӮЙДОДҲО:

27 апрели соли 2022 вакилони  Маҷлиси намояндагони Маҷлиси Олии Ҷумҳурии Тоҷикистон  лоиҳаи Қонуни Ҷумҳурии Тоҷикистон «Дар бораи мораторий ба санҷишҳои фаъолияти субъектҳои соҳибкорӣ» -ро мавриди баррасӣ қарор доданд.

***

27 апрели соли 1930 дар Душанбе аввалин театр-студияи мусиқавӣ таъсис ёфт.

***

Дар ин рӯзи соли 1992 Ҷумҳурии Тоҷикистон ва Ҷумҳурии Корея муносибатҳои дипломатӣ барқарор намуданд.

***

27 апрели соли 2015 дар Душанбе аввалин ҷаласаи Иттифоқи собиқадорон- интернатсионалистони Ҷумҳурии Тоҷикистон доир шуд.

***

Дар ин рӯзи соли 2017 дар Душанбе ҷаласаи 12-уми якҷояи гурӯҳи кории Тоҷикистону Русия баргузор гардид.

***

Соли 1908 Бозиҳои IV олимпӣ дар шаҳри Лондони Британияи Кабир оғоз гардид, ки як моҳ идома ёфт.

***

Соли 1975  дар мусобиқаи мошинронии «Формула-1» якумин ва охирин маротиба дар таърих холҳои санҷиширо зан соҳиб шуд.