Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
ДУШАНБЕ, 28.04.2026. /АМИТ «Ховар»/. Ҳаҷми гардиши савдои хориҷии Тоҷикистон бо давлатҳои иштирокчии Барномаи махсуси Созмони Милали Муттаҳид барои иқтисодиёти Осиёи Марказӣ /SPECA/ 2,1 миллиард доллари амрикоиро ташкил дод. Ин нишондиҳанда нисбат ба соли 2024 ба андозаи 80 миллион доллар ё 4 фоиз афзудааст. Ин нукта дар мулоқоти вазирони нақлиёти кишварҳои иштирокчии Барномаи махсуси Созмони Милали Муттаҳид барои иқтисодиёти Осиёи Марказӣ (SPECA) дар Бангкок иброз гардид, иттилоъ медиҳад АМИТ «Ховар» бо истинод ба Вазорати нақлиёти Тоҷикистон.
Дар мулоқот ҳайати Тоҷикистон таҳти роҳбарии Вазири нақлиёт Азим Иброҳим иштирок намуд. Зимни он ба зурурати амалкарди ҳамоҳангшуда барои ташкили низомҳои пойдор ва самараноки транзитӣ бо таъкид ба ҳамгироии экологӣ ва рақамии роҳҳои савдо таваҷҷуҳи махсус зоҳир карда шуд. Мавзуъҳои муҳокимашуда бо талошҳои Тоҷикистон барои таҳкими инфрасохтори нақлиётӣ, алоқамандии нақлиётӣ, таҷдиди долонҳои нақлиётии минтақавӣ, ҷорӣ намудани технологияҳои рақамӣ дар логистика ва ғайра ҳамоҳанг буданд.
Гуфта шуд, ки бо шарофати сиёсати Президенти Ҷумҳурии Тоҷикистон муҳтарам Эмомалӣ Раҳмон ва ҳамкории созандаи кишварҳои иштирокчии SPECA раванди устувори рушди ҳамкорӣ дар самтҳои робитаҳои тиҷоратию нақлиётӣ, рақамикунонии мубодилаи маълумот дар доираи долонҳои нақлиётии Транскаспий, густариши ҳамкории энергетикӣ ҳам дар минтақа ва ҳам берун аз он, инчунин пешбурди тиҷорати устувор, инноватсия ва принсипҳои иқтисодиёти ҳалқавӣ ба назар мерасанд.
Таъкид шуд, ки тадбирҳо дар доираи SPECA ба пешбурди ташаббусҳои глобалӣ ва минтақавии Тоҷикистон, аз ҷумла ҳифзи пиряхҳо ва рушди зеҳни сунъӣ мусоидат мекунанд. Дар ин замина иштирокчиёни мулоқот баргузории Конфронси чоруми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, 2018-2028»-ро, ки аз 25 то 28 майи соли 2025 дар Душанбе баргузор мешавад, ҷонибдорӣ карданд.
Дар анҷом вазирони нақлиёти кишварҳои иштирокчии Барномаи махсуси Созмони Милали Муттаҳид барои иқтисодиёти Осиёи Марказӣ (СПЕКА) Изҳороти муштарак қабул намуданд.
АКС: Вазорати нақлиёти Ҷумҳурии Тоҷикистон
20 май — Рӯзи умумиҷаҳонии метрология: дар Тоҷикистон соҳаи метрология рушд меёбад
Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
Масоили омодагӣ ба баргузории Конфронси чоруми байналмилалии сатҳи баланд оид ба об баррасӣ гардид
Ҳайати Тоҷикистон дар саммити роҳбарони Форуми ҷаҳонии шаҳрҳо (WUF13) дар Боку иштирок намуд
Муовини Сарвазири Тоҷикистон бо фаъолияти кишоварзони ноҳияи Фархор шинос шуд
Дар Нишасти Гурӯҳи дӯстони пиряхҳо ташаббусҳои глобалии Тоҷикистон оид ба об ва ҳифзи пиряхҳо баррасӣ шуданд
Бонки миллии Тоҷикистон лоиҳаи озмоишии андозбандии соҳибкорони инфиродиро шарҳ медиҳад
Дар Душанбе рақамикунонии хизматрасониҳои молиявӣ, рушди қарздиҳии ипотекӣ ва маблағгузории «сабз» баррасӣ шуд
Тоҷикистон ба қатори 3 давлати пешсафи ислоҳотгари соҳаи савдо дар минтақаи Аврупо ва Осиёи Марказӣ дохил шуд
Ҳайати Тоҷикистон дар ҷаласаи 17-уми Гурӯҳи баррасии татбиқи Конвенсияи СММ оид ба мубориза бо коррупсия иштирок дорад
Муовини Сарвазири Тоҷикистон бо ҳолати фаъолияти пойгоҳи обкашии №17 дар ноҳияи Ёвон шинос шуд
Дар Бонки миллии Тоҷикистон тағйироти охирин дар Стандартҳои байналмилалии ҳисоботи молиявӣ баррасӣ гардид
