Ошкор гардидани ҷинояти одамкушӣ
ДУШАНБЕ, 05.05.2026 /АМИТ «Ховар»/. Шаҳрванд Содиқов Маннон Ҳасанович, соли таваллудаш 1965, истиқоматкунандаи ҷамоати деҳоти Сурхи шаҳри Исфара аз 27-уми апрели соли 2026 ҳамчун шахси бе ному нишон гумшуда ба қайд гирифта шуда, баъди гузаштани 5 рӯз ҷасади номбурда дар зери хок аз манзили зисти сохтмонаш нотамоми шаҳрванд Юлдошев Абдунабӣ, воқеъ дар деҳаи Чорбоғи ҷамоати деҳоти Сурхи шаҳри мазкур бо аломатҳои марги маҷбурӣ дарёфт гардид.
Дар натиҷаи доир намудани чорабиниҳои оперативӣ-ҷустуҷӯӣ аз тарафи Вазорати корҳои дохилӣ муайян карда шуд, ки шаҳрванд Бобоев Эҳсон Комилбоевич, соли таваллудаш 1995 ва тағояш Шарипов Юсуф Мусобоевич, соли таваллудаш 1980, сокинони ҷамоати деҳоти Сурх дар асоси маслиҳати пешакӣ 27-уми апрели соли ҷорӣ, тахминан соати 03:00-дақиқа бо мақсади содир намудани ҷинояти ғоратгарӣ Содиқов Маннонро бо баҳонаи ба шаҳри Душанбе рафтан ва аз маҳбас озод намудани фарзандаш Содиқов Абдусалом, ба дохили воситаи нақлиёти тамғаи «БМВ», рақами қайди давлатиаш 33-77 ZZ 02 савор карда, ба самти шаҳри Исфара ҳаракат намудаанд.
Гумонбарон дар дохили воситаи нақлиёт дастони Содиқов Маннонро бо ресмон баста, 100 000 доллари ИМА-ро, ки бо худ доштааст, тасарруф намуда, ба манзили зисти сохтмонаш нотамоми шаҳрванд Юлдошев Абдунабӣ омада, дар таҳхонаи он бо истифода аз корди хоҷагӣ, 2 маротиба ба қисми чапи китф ва 7 маротиба ба қисмати рости гардани Содиқов Маннон зарба зада, ба ҳалокат расонидаанд ва ҷасадро дар саҳни манзили истиқоматӣ зери хок намудаанд.
Зимни гузаронидани чорабиниҳои оперативӣ-ҷустуҷӯӣ гумонбарон-содиркунандагони ҷинояти махсусан вазнин Шарипов Юсуф ва Бобоев Эҳсон дастгир карда шуданд.
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
