Ҳабибулло Воҳидзода бо Роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
ДУШАНБЕ, 19.05.2026 /АМИТ «Ховар»/. 19 май дар шаҳри Душанбе мулоқоти Прокурори генералии Ҷумҳурии Тоҷикистон Ҳабибулло Воҳидзода бо Роҳбари Маркази минтақавии Созмони Милали Муттаҳид оид ба дипломатияи пешгирикунанда барои Осиёи Марказӣ Каха Имнадзе баргузор гардид.
Тавре ба АМИТ «Ховар» аз Прокуратураи генералӣ хабар доданд, зимни мулоқот дурнамои ҳамкорӣ дар самти таъмини амнияти минтақавӣ мавриди баррасӣ қарор гирифта, ба масъалаҳои муқовимат ба чолишҳо ва таҳдидҳои муосири ҷаҳонӣ, аз ҷумла терроризми байналмилалӣ ва экстремизм таваҷҷуҳи хосса зоҳир карда шуд.
Аз ҷониби Ҳабибулло Воҳидзода ба роҳбари Маркази минтақавии СММ доир ба ҷараёни амалишавии «Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои давраи то соли 2040» маълумот дода шуд.
Таъкид гардид, ки санади стратегии мазкур нақши калидии мақомоти прокуратураро дар ҳамоҳангсозии ҳамкории байниидоравӣ ва байналмилалӣ барои иҷрои вазифаҳои гузошташуда мустаҳкам менамояд.
Каха Имнадзе изҳор намуд, ки дар айни замон Осиёи Марказӣ ҳамчун субъекти муҳими дипломатияи пешгирикунанда мавқеи худро дар арсаи ҷаҳонӣ фаъолона мустаҳкам менамояд. Дар ин ҷода саҳми назарраси Ҷумҳурии Тоҷикистон низ дар нигоҳ доштани суботу амният дар минтақаи Осиёи Марказӣ таъкид гардид.
Аз ҷумла, аз ҷониби роҳбари Маркази минтақавии СММ сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар танзими масъалаҳои байнисарҳадӣ, хусусан оид ба делимитатсия ва демаркатсияи сарҳади давлатӣ бо Ҷумҳурии Қирғизистон ва имзои Декларатсияи Хуҷанд махсусан таъкид карда шуд.
Инчунин Каха Имнадзе ба «Раванди Душанбе», ки ба платформаи бонуфузи байналмилалӣ барои муттаҳид сохтани талошҳои ҷомеаи ҷаҳонӣ ва мубодилаи таҷриба дар самти мубориза бо терроризм табдил ёфтааст, баҳои баланд дод.
Дар фарҷом иброз гардид, ки Маркази минтақавии СММ оид ба дипломатияи пешгирикунанда омода аст барои рушди минбаъдаи шарикӣ дар самтҳои афзалиятноки дорои таваҷҷуҳи муштарак, аз ҷумла дар масъалаҳои мустаҳкам намудани сарҳади давлатӣ ва ҳалли масъалаҳои вобаста ба он ҳамкорӣ намояд.
АКС: Прокуратураи генералии Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
