Ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор шуд
ДУШАНБЕ, 20.05.2026 /АМИТ «Ховар»/. Имрӯз дар Раёсати Вазорати корҳои дохилӣ дар шаҳри Душанбе ҷаласаи навбатии Шурои ҳамоҳангсозии мақомоти ҳифзи ҳуқуқи пойтахт баргузор гардид. Дар ин хусус АМИТ «Ховар» бо истинод ба Раёсати Вазорати корҳои дохилӣ дар шаҳри Душанбе хабар медиҳад.
Дар ҷаласа аз ҷониби аъзои Шурои ҳамоҳангсозӣ масъалаҳои муҳимми марбут ба тарбияи наврасону ҷавонон дар руҳияи ватандӯстию меҳанпарастӣ, пешгирии истеъмоли воситаҳои нашъадор ва моддаҳои психотропию ҳабҳои синтетикӣ байни ноболиғону наврасон, пешгирии содиршавии ҳуқуқвайронкуниву ҷинояткорӣ аз ҷониби хонандагон, махсусан авбошиҳои гурӯҳӣ бо истифода аз силоҳи сард, оворагардӣ, вобастагӣ ба бозиҳои компютерӣ, истеъмоли нӯшокиҳои спиртӣ ва истифодаи сигорҳои электронӣ мавриди баррасӣ қарор дода шуданд.
Ҳамзамон дар ҷаласа масъалаҳои риоя нагардидани реҷаи фаъолияти баъзе марказҳои хизматрасонӣ, сари вақт пардохт нагардидани андоз аз ҷониби бархе соҳибкорону шаҳрвандон ва дигар масъалаҳои мубрами иҷтимоию ҳуқуқӣ муҳокима гардида, барои бартараф намудани камбудиҳои мавҷуда пешниҳодҳои мушаххас манзур карда шуданд.
Бо назардошти мушкилоту камбудиҳои ҷойдошта ба роҳбарону шахсони масъул дастуру супоришҳои мушаххас дода шуда, барои таҳкими ҳамкории байниидоравӣ, пурзӯр намудани корҳои фаҳмондадиҳӣ ва баланд бардоштани сатҳи масъулияти сохторҳои дахлдор нақшаи чорабиниҳои муштарак таҳия ва тасдиқ гардид.
АКС: Раёсати Вазорати корҳои дохилӣ дар шаҳри Душанбе
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
