Дабири кулли САҲА Фаридун Синирлиоғлу саҳми Президенти Тоҷикистон Эмомалӣ Раҳмонро дар таҳкими суботи минтақавӣ баланд арзёбӣ намуд
ДУШАНБЕ, 20.05.2026 /АМИТ «Ховар»/. Дабири кулли Созмони амният ва ҳамкорӣ дар Аврупо Фаридун Синирлиоғлу саҳми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таҳкими суботи минтақавӣ баланд арзёбӣ намуд. Дар ин хусус ӯ имрӯз зимни нишасти матбуотӣ аз рӯи натиҷаҳои мулоқот бо Сарвари давлат изҳор дошт, хабар медиҳад АМИТ «Ховар».
Фаридун Синирлиоғлу таъкид кард, ки нахустин сафари расмии ӯ ба ҳайси Дабири кулли САҲА шарикии устувори ин созмонро бо Тоҷикистон, ки зиёда аз 30 сол идома дорад, собит менамояд.
Ба гуфтаи ӯ, аз замони шомилшавӣ ба САҲА дар соли 1992, Тоҷикистон дар фаъолияти созмон мавқеи фаъолро ишғол мекунад ва соли 1994 аввалин дафтари САҲА дар Осиёи Марказӣ дар Тоҷикистон ифтитоҳ гардидааст.
Дабири кулли созмон таъкид кард, ки фаъолияти САҲА бо самтҳои афзалиятноки Тоҷикистон, аз ҷумла масъалаҳои амният ва идоракунии сарҳадот, масъалаҳои обу энергетика, инчунин муқовимат бо таҳдидҳои фаромиллӣ иртиботи зич дорад.
Аз ҷумла, фаъолияти Коллеҷи САҲА барои ҳайати роҳбарикунандаи сарҳадот дар Душанбе махсусан таъкид гардид, ки ба гуфтаи Фаридун Синирлиоғлу, ба як платформаи пешбари минтақавии омодасозии касбӣ ва муколама табдил ёфтааст.
Дабири кулли САҲА инчунин саҳми шахсии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар пешбурди Созишнома оид ба сарҳади давлатӣ байни Тоҷикистон ва Қирғизистон, ки моҳи марти соли 2025 ба имзо расида буд, инчунин Эъломияи Хуҷанд аз 31 марти соли 2025 байни Тоҷикистон, Қирғизистон ва Узбекистон баланд арзёбӣ кард.
«Ин дастовардҳо нишон медиҳанд, ки муколама, иродаи сиёсӣ ва ҳамкории сулҳомез метавонад натиҷаҳои мушаххас ба бор оварад», — таъкид намуд Фаридун Синирлиоғлу.
Иброз гардид, ки дар пасманзари афзоиши ташаннуҷ дар минтақаҳои гуногуни ҷаҳон, Осиёи Марказӣ имрӯз ҳамчун намунаи умедбахши таҳкими эътимод ва таъмини амнияти муштарак хизмат мекунад.
АКС: АМИТ «Ховар»
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
