Дар Боку ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистону Озарбойҷон баргузор шуд
ДУШАНБЕ, 22.05.2026 /АМИТ «Ховар»/. 21 май дар шаҳри Боку таҳти ҳамраисии муовини Сарвазири Ҷумҳурии Тоҷикистон Усмоналӣ Усмонзода ва муовини Сарвазири Ҷумҳурии Озарбойҷон Самир Рауф оғлу Шарифов ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Ҷумҳурии Тоҷикистон ва Ҷумҳурии Озарбойҷон баргузор гардид.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Озарбойҷон хабар доданд, дар ҷараёни ҷаласа ҷонибҳо вазъи кунунӣ ва дурнамои рушди ҳамкории Тоҷикистону Озарбойҷонро дар соҳаҳои тиҷоратию иқтисодӣ, сармоягузорӣ, саноат, нақлиёту логистика, энергетика, кишоварзӣ, сайёҳӣ ва фарҳангию гуманитарӣ баррасӣ намуданд.
Роҳбарони ҳайатҳо рушди пайгиронаи муносибатҳои дуҷонибаро, ки бар пояи дӯстӣ, эҳтироми мутақобил ва шарикии стратегӣ бунёд ёфтаанд, иброз дошта, аҳамияти густариши минбаъдаи ҳамкории амалӣ байни ду кишварро таъкид карданд.
Аз натиҷаи нишаст Протоколи ҷаласаи 8-уми Комиссияи байниҳукуматӣ ва Ёддошти тафоҳум байни Палатаи савдо ва саноати Тоҷикистон ва Агентии мусоидат ба содирот ва сармоягузории Ҷумҳурии Озарбойҷон оид ба таъсиси Шурои соҳибкорони Тоҷикистону Озарбойҷон ба имзо расиданд. Ҳамчунин, дар ҳошияи ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Ҷумҳурии Тоҷикистон ва Ҷумҳурии Озарбойҷон санаи 21 майи соли 2026 Созишнома байни Вазорати маориф ва илми Ҷумҳурии Тоҷикистон ва Вазорати илм ва маорифи Ҷумҳурии Озарбойҷон дар бораи ба таври мутақобил ҷудо намудани бурсияҳои солонаи таҳсил ба имзо расонида шуд.
АКС: Сафорати Ҷумҳурии Тоҷикистон дар Ҷумҳурии Озарбойҷон
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
