Котиби Шурои амнияти Тоҷикистон Юсуф Раҳмон дар вохӯрии котибони шуроҳои амнияти давлатҳои аъзои СҲШ иштирок намуд
ДУШАНБЕ, 14.05.2026 /АМИТ «Ховар»/. 14 май дар шаҳри Бишкеки Ҷумҳурии Қирғизистон вохӯрии 21-уми котибони шуроҳои амнияти давлатҳои аъзои Созмони ҳамкории Шанхай баргузор гардид, ки дар он Котиби Шурои амнияти Ҷумҳурии Тоҷикистон Юсуф Раҳмон иштирок намуд, хабар медиҳад АМИТ «Ховар».
Қабл аз оғози вохӯрӣ иштирокчиёнро Президенти Ҷумҳурии Қирғизистон Садир Жапаров ба ҳузур пазируфт, ки зимни он масъалаҳои мубрами таъмини амният ва субот дар фазои Созмони ҳамкории Шанхай, инчунин роҳҳои густариши ҳамкории муштарак мавриди баррасӣ қарор гирифтанд.
Дар ҷараёни вохӯрӣ доир ба вазъи амният дар минтақа ва ҷаҳон табодули афкор анҷом дода шуда, ба зарурати тақвияти ҳамоҳангсозии фаъолияти сохторҳои соҳавии кишварҳои аъзо таваҷҷуҳи махсус зоҳир гардид.
Ҷонибҳо аҳамияти густариши фаъолият дар самтҳои муқовимат ба терроризм ва экстремизм, пешгирии ҷиноятҳои муташаккили фаромиллӣ, мубориза бо гардиши ғайриқонунии маводи мухаддир ва силоҳ, инчунин таъмини амнияти иттилоотӣ ва муқовимат ба таҳдидҳои кибериро таъкид намуданд.
Иштироки Ҷумҳурии Тоҷикистон дар нишасти навбатии сатҳи баланд бозгӯи мавқеи пайгирона ва созандаи мамлакат дар самти таҳкими ҳамкории минтақавӣ ва саҳмгузорӣ дар таъмини сулҳу субот ва рушди устувор дар фазои Созмони ҳамкории Шанхай мебошад.
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
