35-СОЛАГИИ ИСТИҚЛОЛИ ДАВЛАТӢ. Дар Панҷакент 1076 иншоот сохта ба истифода дода шудааст
ДУШАНБЕ, 11.06.2026 /АМИТ «Ховар»/. Бо мақсади сазовор истиқбол намудани ҷашни 35-солагии Истиқлоли давлатӣ дар шаҳри Панҷакент бунёди 984 иншооти таъиноти гуногун ба нақша гирифта шуда, то инҷониб 1076 иншоот сохта ба истифода дода шудааст. Айни замон илова ба нақша, дар шаҳр сохтмони 177 иншооти дигар идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Дар бинои нави Муассисаи таҳсилоти миёнаи умумии №1 дар маҳаллаи Деваштич, ки бо маблағгузории Бунёди миллии иҷтимоии маблағгузории Тоҷикистон аз ҷониби пудратчӣ – ширкати бинокории «Гулгун» сохта мешавад, ҳоло корҳои ороишӣ идома дорад. Бо ба истифода додани бинои нави таълимӣ дар он дар соли нави таҳсил 480 нафар хонанда дар ду баст ба таҳсил фаро гирифта мешаванд.
Дар шаҳр корҳои сохтумонӣ дар Маркази оши палов дар ҳудуди Осоишгоҳи «Шифо», кӯдакистон дар хиёбони Рӯдакӣ барои 200 кӯдак, майдону гулгашти Абулқосим Фирдавсӣ, бинои маъмурии Маркази минтақавии баҳисобгирии инфиродии раёсати Агентии суғуртаи иҷтимоӣ ва нафақа низ идома дорад.
Инчунин дар шаҳр бунёди коргоҳи коркарди маҳсулоти кишоварзӣ, истеҳсоли об ва нӯшокиҳои ташнагишикани Ҷамъияти дорои масъулияти маҳдуди «Оби Ҳафткӯл» идома доранд .
АКС: Мақомоти иҷроия ҳокимияти давлатии шаҳри Панҷакент
Маҷлиси Ҳукумати Ҷумҳурии Тоҷикистон баргузор шуд
Роҳи мошингарди Чимтеппа-Шарора-Ҳисор баъд аз таъмир мавриди истифода қарор дода шуд
Дар Душанбе Мусобиқаи ҷумҳуриявӣ оид ба ҷиу-ҷитсу ва грэплинг байни ҷавонон ва наврасон баргузор гардид
Беш аз 17 километр роҳи мошингарди Хуҷанд – Истиқлол мумфарш карда мешавад
ҲУВИЯТИ МИЛЛӢ – ТАҲКИМБАХШИ ВАҲДАТИ МИЛЛӢ. Назари коршинос дар ин мавзуъ
Роҳи маҳаллаи Гулистон то кӯчаи Абдулаҳад Қаҳҳорови ноҳияи Шоҳмансури шаҳри Душанбе навсозӣ ва мумфарш карда мешавад
Ба ифтихори Рӯзи Ваҳдати миллӣ дар шаҳри Турсунзода иншооти гуногун ба истифода дода шуд
Дар назди Муассисаи таҳсилоти миёнаи умумии рақами 45-и ноҳияи Ёвон бинои иловагӣ сохта мешавад
Дар ноҳияи Деваштич мумфаршкунии беш аз 3 километр роҳ оғоз гардид
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб Маркази техникии Федератсияи футболи Тоҷикистонро мавриди истифода қарор доданд
Сарвари давлат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб барои бунёди корхонаи дигари истеҳсоли семент асос гузоштанд
