Дар Душанбе мулоқоти вазирони корҳои хориҷии Тоҷикистону Гурҷистон доир гардид
ДУШАНБЕ, 19.06.2026 /АМИТ «Ховар»/. Имрӯз дар ҳошияи сафари расмии Сарвазири Гурҷистон Ираклий Кобахидзе ба Ҷумҳурии Тоҷикистон мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо муовини Сарвазир, Вазири корҳои хориҷии Гурҷистон Мака Бочоришвилӣ доир гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни мулоқот масъалаҳои рушду таҳкими муносибатҳои дуҷониба баррасӣ шуда, таваҷҷуҳи махсус ба дурнамои муколамаи сиёсӣ, тавсеаи ҳамкории тиҷоратию иқтисодӣ, инчунин робитаҳои фарҳангию гуманитарӣ зоҳир гардид.
Ҷонибҳо ҳамчунин оид ба мавзуъҳои муҳими рӯзномаи байналмилалӣ табодули афкор намуда, барои таҳкими ҳамкорӣ дар доираи созмонҳои байналмилалӣ, ба хусус Созмони Милали Муттаҳид ва ниҳодҳои соҳавии он изҳори ҳавасмандӣ намуданд.
Мулоқот дар фазои дӯстиву ҳусни тафоҳум баргузор шуда, ҷонибҳо ҷиҳати густариши ҳамкории созанда ва мутақобилан судманд байни Тоҷикистон ва Гурҷистон изҳори омодагӣ намуданд.
Ёдовар мешавем, ки имрӯз дар шаҳри Душанбе мулоқоту музокироти байни Ҳукумати Ҷумҳурии Тоҷикистон ва Ҳукумати Гурҷистон бо иштироки Сарвазири Ҷумҳурии Тоҷикистон Қоҳир Расулзода ва Сарвазири Гурҷистон Ираклий Кобахидзе баргузор гардид. Пас аз анҷоми музокироти расмии Тоҷикистон ва Гурҷистон маросими имзои санадҳои нави ҳамкорӣ баргузор шуд.
АКС: Вазорати корҳои хориҷии Ҷумҳурии Тоҷикистон
Сироҷиддин Муҳриддин бо Сафири Озарбойҷон дар Тоҷикистон мулоқот намуд
Дар Дакка машваратҳои сиёсии Тоҷикистон ва Бангладеш баргузор шуданд
Сафири Тоҷикистон дар Русия бо Дабири кулли Созмони байналмилалии забони русӣ мулоқот намуд
Ташаббуси байналмилалии Тоҷикистон барои таҳкими сулҳ ба хотири наслҳои оянда аҳамияти ҳуқуқӣ ва сиёсии хос дорад
Густариши ҳамкории Тоҷикистону Бангладеш дар соҳаҳои гуногун баррасӣ шуд
Натиҷаҳои Конфронси чоруми оби Душанбе дар ҷаласаи ЭСКАТО муаррифӣ гардиданд
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
