Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
ДУШАНБЕ, 27.06.2026 /АМИТ «Ховар»/. 27 июн дар Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ҳамоиш баргузор гардид. Дар ин хусус ба АМИТ «Ховар» аз ин кумита хабар доданд.
Дар ҷамъомад иброз гардид, ки Ҷумҳурии Тоҷикистон таҳти роҳбарии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар солҳои соҳибистиқлолӣ ҳамчун мамлакати ташаббускор дар ҳалли масъалаҳои муҳими глобалӣ, аз ҷумла обу иқлим, ҳифзи пиряхҳо ва таҳкими сулҳу амнияти байналмилалӣ мавқеи устувор касб намудааст. Дар ин замина ташаббуси навбатии Тоҷикистон оид ба қабули Қатъномаи Маҷмааи Умумии Созмони Милали Муттаҳид дар бораи «Даҳсолаи байналмилалӣ оид ба таҳкими сулҳ барои насли оянда, солҳои 2027–2036» идомаи мантиқии сиёсати сулҳпарваронаи давлат ба ҳисоб меравад.
Ин ташаббус ба таҳкими фарҳанги сулҳ, пешгирӣ кардани низоъҳо, тақвияти таҳаммулгароӣ, ҳамдигарфаҳмӣ ва густариши гуфтугӯи тамаддунҳоро дар ҷомеаи ҷаҳонӣ ҳамчун заминаи зиндагии шоистаи наслҳои оянда равона гардидааст.
Гуфта шуд, ки амалисозии ҳадафҳои ин даҳсола метавонад барои таҳкими эътимод байни давлатҳо ва таъмини рушди устувори ҷомеаи ҷаҳонӣ заминаи мусоид фароҳам оварад.
Дар рафти ҳамоиш инчунин нақши занон дар таҳкими сулҳ, пешгирии ифротгароӣ, тарбияи насли наврас дар руҳияи ватандӯстӣ, таҳаммулпазирӣ ва эҳтиром ба арзишҳои умумиинсонӣ баррасӣ гардид.
Таъкид шуд, ки ҷалби фаъоли занону ҷавонон ба татбиқи ҳадафҳои ин ташаббус барои ноил шудан ба сулҳи пойдор ва рушди устувор аҳамияти калидӣ дорад.
Иштирокчиёни ҳамоиш аз иқдомҳои пайгиронаи Ҷумҳурии Тоҷикистон дар арсаи байналмилалӣ истиқбол намуда, иброз доштанд, ки пешбурди чунин ташаббусҳо нуфузи Тоҷикистонро ҳамчун давлатии сулҳхоҳу ташаббускор дар ҷомеаи ҷаҳонӣ боз ҳам таҳким мебахшад.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
