Дар Тоҷикистон Форуми XI байналмилалии фарҳангию маърифатии «Кӯдакони Иттиҳод» оғоз гардид
ДУШАНБЕ, 16.06.2026 /АМИТ «Ховар»/. 15 июн дар истироҳатгоҳи кӯдаконаи «Шоҳин», воқеъ дар шаҳри Гулистони вилояти Суғд Форуми XI байналмилалии фарҳангию маърифатии «Кӯдакони Иттиҳод» ифтитоҳ ёфт, ки то 24 июн идома меёбад. Дар ин хусус ба АМИТ «Ховар» аз Маҷлиси миллии Маҷлиси Олии Ҷумҳурии Тоҷикистон хабар доданд.
Форум дар мувофиқа бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва бо пешниҳоди Котиботи Ассамблеяи байнипарламентии давлатҳои иштирокчии Иттиҳоди Давлатҳои Мустақил доир шуда, дар доираи баргузории он беш аз 30 чорабинӣ ба нақша гирифта шудааст.
Дар Форум намояндагони Озарбойҷон, Арманистон, Беларус, Қазоқистон, Қирғизистон, Тоҷикистон, Узбекистон, Русия ва Туркманистон иштирок менамоянд.
Дар ҷараёни форум кӯдакон бо таъриху фарҳанг, анъанаҳои миллии давлатҳои иштирокчӣ шинос шуда, дар олимпиадаи зеҳнӣ, вохӯрӣ бо қаҳрамонҳои варзиш, мастер-классҳо, гаштҳои сайёҳӣ, марафони тарбияи ҷисмонӣ ва варзишӣ, инчунин дигар мусобиқаҳои дӯстона иштирок менамоянд.
Форум то 23 июн дар шаҳри Душанбе идома ёфта, кӯдакон бо як қатор муассисаҳои фарҳангии пойтахт ва Парлумони Тоҷикистон шинос мешаванд.
Ҳадафи баргузории форум муколамаи фарҳангӣ ва тақвияти робитаҳои дӯстона байни намояндагони насли ҷавони давлатҳои Иттиҳод арзёбӣ мегардад.
Форуми байналмилалии фарҳангию маърифатии «Кӯдакони Иттиҳод» шуруъ аз соли 2013 дар Қирғизистон, Русия, Узбекистон ва Беларус доир карда шуда, соли 2026 мизбонии онро Ҷумҳурии Тоҷикистон ба уҳда дорад.
АКС: Маҷлиси миллии Маҷлиси Олии Ҷумҳурии Тоҷикистон
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
Дар Душанбе ҷаласаи Раёсат/Бюрои Ассамблеяи парлумонии Осиё баргузор гардид
Ҷаласаи Кумитаи доимии Ассамблеяи парламентии Осиё оид ба масъалаҳои иҷтимоӣ ва фарҳангӣ оғоз шуд
Мавсума Муинӣ бо раиси Комиссияи Сенати Шоҳигарии Камбоҷа оид ба ҳуқуқи инсон вохӯрӣ намуд
Мавсума Муинӣ бо роҳбари ҳайати Подшоҳии Баҳрайн Аҳмад Алсаллум вохӯрӣ намуд
Робитаҳои байнипарламентии Тоҷикистон ва Ҷумҳурии Кипр густариш меёбанд
Гурӯҳи дӯстии Маҷлиси намояндагони Маҷлиси Олии Ҷумҳурии Тоҷикистон бо ҳайати Ҷумҳурии Мардумии Чин вохӯрӣ намуд
Дар Душанбе дурнамои рушди ҳамкории байнипарламентии Тоҷикистон ва Бангладеш баррасӣ гардид
ПЕШВОИ МИЛЛАТ — МЕЪМОРИ ИСТИҚЛОЛИ ТОҶИКИСТОН. Мулоҳизаҳо дар ин маврид
