Масъалаи таъсиси парки муштараки саноатии Тоҷикистону Эрон баррасӣ карда шуд
ДУШАНБЕ, 06.06.2026 /АМИТ «Ховар»/. Лоиҳаи Ёддошти тафоҳум дар хусуси таъсиси парки муштараки саноатӣ дар Ҷумҳурии Тоҷикистон дар мулоқоти вазирони саноати Тоҷикистон ва Эрон дар ҳошияи ҷаласаи 4-уми вазирони саноати кишварҳои узви Созмони ҳамкории Шанхай, ки дар шаҳри Бишкеки Қирғизистон баргузор гардид, баррасӣ шуд. Дар ин хусус АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон хабар медиҳад.
Вазири саноат ва технологияҳои нави Ҷумҳурии Тоҷикистон Шералӣ Кабир дар мулоқот бо Вазири саноат, маъдан ва тиҷорати Ҷумҳурии Исломии Эрон тавсеаи ҳамкориро дар соҳаи саноат муҳокима намуданд.
Гуфта шуд, ки ҳамкории саноатии Тоҷикистон ва Эрон ба марҳилаи сифатан нав — аз тиҷорати анъанавӣ то истеҳсолоти амиқ ва ҳамгироии технологӣ ворид мешавад. Дар доираи Нақшаи амали ҳамкорӣ барои солҳои 2025-2027, самтҳои афзалиятнок, аз ҷумла таъсиси кластерҳои нассоҷӣ дар асоси ашёи хоми пахтаи Тоҷикистон бо технологияи Эрон, лоиҳаҳои муштарак дар соҳаи металлургия ва коркарди маъдан, истеҳсоли техникаи кишоварзӣ, дорусозӣ ва биотехнология, масолеҳи сохтмонӣ, инчунин саноати кимиё, инчунин коркарди ангишт баррасӣ шуданд.
Ҷонибҳо ҳамзамон рушди инфрасохтори логистикӣ, инчунин дурнамои истифодаи технологияҳои рақамӣ ва зеҳни сунъӣ дар идоракунии саноатро таъкид намуданд.
АКС: Вазорати саноат ва технологияҳои нави Ҷумҳурии Тоҷикистон
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
