Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ДУШАНБЕ, 26.06.2026 /АМИТ «Ховар»/. Имрӯз дар шаҳри Бишкеки Ҷумҳурии Қирғизистон таҳти унвони «Роҳбарии занон» Форуми занони Созмони ҳамкории Шанхай доир гардид. Дар кори форум аз Тоҷикистон Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода иштирок намуд.
Тавре ба АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, форум дар доираи раёсати Ҷумҳурии Қирғизистон дар Созмони ҳамкории Шанхай дар соли 2026 баргузор гардид.
Зимни форум масъалаҳои таҳкими нақши занон дар ҳаёти сиёсӣ, иҷтимоӣ ва иқтисодӣ, иштироки онҳо дар қабули қарорҳо, рушди соҳибкории занон, таъмини баробарии гендерӣ ва густариши ҳамкории минтақавӣ баррасӣ гардид.
Барномаи форум аз се ҷаласаи асосӣ иборат буда, мавзуъҳои «Роҳбарии занон: нақши занон дар қабули қарорҳои сиёсӣ ва ҷамъиятӣ», «Нақши занон дар рушди иқтисодӣ» ва инчунин муҳокимаи роҳҳои тавсеаи ҳуқуқу имконияти занонро фаро мегирад.
Форуми занони Созмони ҳакории Шанхай ба таҳкими ҳамкории кишварҳои узви созмон дар самти баланд бардоштани мақоми занон ва рушди устувор мусоидат менамояд.
Ёдовар мешавем, ки форум аз соли 2018 инҷониб мунтазам баргузор шуда, ҳамчун платформаи байналмилалӣ барои мубодилаи таҷриба, муҳокимаи масъалаҳои мубрами рӯз ва таҳияи равишҳои мувофиқашуда барои рушди ҳуқуқ ва озодиҳои занон пешбинӣ гардидадааст.
Форуми занони Созмони ҳамкории Шанхай 27 июн ҷамъбаст мегардад.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
