Сафири Тоҷикистон дар маросими расмии таҷлили 250-солагии истиқлоли Амрико иштирок намуд
ДУШАНБЕ, 27.06.2026 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода якҷо бо корпуси дипломатӣ, роҳбарони сохторҳои давлатии Амрико ва аҳолӣ дар маросими ҷашни таърихии 250-солагии истиқлоли Амрико ва ифтитоҳи Намоишгоҳи бузурги иёлатӣ таҳти унвони «Амрико баргашт (America is back)» иштирок намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд.
Чорабинӣ 24 июн дар майдони миллии «National Mall»-и шаҳри Вашингтон бо иштирок ва суханронии Президенти ИМА Доналд Трамп баргузор гардид.
Зимни чорабинӣ намоишҳои ватандӯстона, парвози ҳавопаймоҳои низомӣ ва сурудҳои миллӣ пешниҳод гардиданд.
Президенти Иёлоти Муттаҳидаи Амрико Доналд Трамп оғози Намоишгоҳи бузурги иёлатиро (The Great American State Fair) ҳамчун рамзи озодӣ, қудрат, ваҳдат ва дастовардҳои бузурги миллӣ барои 16-рӯзи минбаъда (аз 24 июн то 10 июли соли 2026) бахшида ба 250-солагии истиқлоли Иёлоти Муттаҳидаи Амрико расман эълон намуд, ки дар ҷараёни он дастовардҳои таърихӣ, фарҳангӣ ва технологии ҳамаи иёлоти Амрико дар ин давра намоиш дода мешаванд.
Дар доираи чорабинӣ Сафири Тоҷикистон дар Иёлоти Муттаҳидаи Амрико бо роҳбарияти якчанд сохтори давлатии Амрико ва ҳайати дипломатии кишварҳои хориҷӣ вохӯриҳои кутоҳи сарироҳӣ гузаронида, дурнамои рушди муносибатҳои дутарафаро баррасӣ намуд.
Ёдовар мешавем, ки рӯзи Истиқлоли Иёлоти Муттаҳидаи Амрико 4 июл мебошад.
АКС: Сафорати Ҷумҳурии Тоҷикистон дар Иёлоти Муттаҳидаи Амрико
Дар Сафорати Тоҷикистон дар Амороти Муттаҳидаи Арабӣ Рӯзи Ваҳдати миллӣ таҷлил шуд
Бахшида ба Рӯзи байналмилалии занон дар дипломатия ҳамоиш доир шуд
Нишасти 5-уми Гурӯҳи кории муштараки Тоҷикистону Ҳиндустон оид ба мубориза бар зидди терроризм доир шуд
Ҳамкории Тоҷикистон бо Иттиҳоди байналмилалии алоқа дар соҳаи технологияҳои рақамӣ густариш меёбад
Иҷлосияи шастуми Комиссияи СММ оид ба аҳолӣ ва рушд таҳти раёсати Тоҷикистон мегузарад
Дастовардҳои Тоҷикистон дар рушди сайёҳии экологӣ дар Боку муаррифӣ гардид
Тоҷикистон ҳамоҳангсози Гурӯҳи кишварҳои рӯ ба тараққии маҳсур дар хушкӣ интихоб гардид
Сафири Тоҷикистон бо намояндагони ширкати нассоҷии швейтсарии Rieter AG мулоқот намуд
Сафари расмии Сарвазири Гурҷистон Ираклий Кобахидзе дар Ҷумҳурии Тоҷикистон ба анҷом расид
Дар Душанбе мулоқоти вазирони корҳои хориҷии Тоҷикистону Гурҷистон доир гардид
Маросими имзои санадҳои нави ҳамкорӣ миёни Тоҷикистон ва Гурҷистон
Музокироти расмии Тоҷикистону Гурҷистон баргузор шуд
