Дар Душанбе Форуми рушди технологияҳои иттилоотию коммуникатсионӣ баргузор шуд
ДУШАНБЕ, 03.07.2026 /АМИТ «Ховар»/. Самтҳои афзалиятноки рушди иқтисоди рақамӣ то давраи соли 2030 дар Форуми рушди технологияҳои иттилоотию коммуникатсионӣ, ки бо ибтикори Агентии инноватсия ва технологияҳои рақамии назди Президенти Ҷумҳурии Тоҷикистон дар шаҳри Душанбе баргузор гардид, баррасӣ шуд.
АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад, ки дар форум намояндагони мақомоти давлатӣ, созмонҳои байналмилалӣ, ширкатҳои пешсафи технологӣ ва коршиносони соҳа иштирок намуда, масъалаҳои марбут ба табдили рақамии Ҷумҳурии Тоҷикистонро баррасӣ намуданд.
Дар доираи форум инчунин тадқиқоти байналмилалии IDC White Paper «Tajikistan National ICT Development», ки дар ҳамкорӣ бо Агентии инноватсия ва технологияҳои рақамӣ таҳия шудааст, муаррифӣ гардида, масъалаҳои рушди инфрасохтори рақамӣ, зеҳни сунъӣ, амнияти киберӣ ва омодасозии мутахассисони соҳаи IT муҳокима шуданд.
Иштирокдорони форум омодагии худро барои густариши минбаъдаи ҳамкорӣ ва татбиқи ташаббусҳои муштарак, ки ба суръат бахшидан ба табдили рақамии Ҷумҳурии Тоҷикистон, инчунин рушди устувори иқтисоди рақамии миллӣ нигаронида шудаанд, баён намуданд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Пахтакорони ноҳияи Мастчоҳ азм доранд 25 ҳазор тонна пахта ҷамъоварӣ намоянд
РУШДИ СОҲАИ САЙЁҲӢ. Хостел ва мотел аз ҳамдигар чӣ фарқ доранд?
Дар Нуробод бо иштироки муовини Сарвазир оид ба пешгирии истифодаи ғайриқонунии неруи барқ ҷаласа баргузор шуд
Ҳамкории Тоҷикистон бо Британияи Кабир дар соҳаи саноат баррасӣ гардид
Роҳбарияти «Амонатбонк» дар Шанхай дар саммити байналмилалии «Huawei Connect 2026» иштирок намуд
РОҲИ БЕҲТАР ВА БЕХАТАР. Сокинони Вилояти Мухтори Кӯҳистони Бадахшон дар муддати 8-10 соат то шаҳри Душанбе мерасанд
Дар вилояти Суғд нақшаи ҷамъоварии пахта беш аз 140 ҳазор тонна пешбинӣ шудааст
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
