35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд

Август 27, 2026 18:00

ДУШАНБЕ, 27.08.2026 /АМИТ «Ховар»/. Дар шаҳри Истаравшан барои сазовор истиқбол намудани ҷашни 35-солагии Истиқлоли давлатии Ҷумҳурии Тоҷикистон созандагию ободкорӣ вусъат ёфта, дар баробари бунёди иншооти иҷтимоӣ, истеҳсолӣ ва хизматрасонӣ ба рушди соҳаи маориф низ таваҷҷуҳи хосса зоҳир мегардад.

Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, корҳои сохтмонӣ дар якчанд муассисаҳои таълимӣ, аз ҷумла дар бинои Муассисаи таҳсилоти миёнаи умумии №54 идома  доранд. Бинои нави муассиса аз ду ошёна ва 15 синфхона иборат буда, бо саҳми сокинон бунёд шуда истодааст.

Ҳамчунин сохтмони бинои иловагии Муассисаи таҳсилоти миёнаи умумии №58 идома дорад. Бинои иловагӣ аз ду ошёна ва таҳхона иборат буда, дар маҷмуъ дорои 9 синфхона, ошхона ва маҷлисгоҳ мебошад. Муассиса 540 хонандаро дар ду баст фаро мегирад.

Дар деҳоти Чорбоғ сохтмони бинои Маркази саломатӣ бо саҳми соҳибкорон идома дорад. Он аз ду ошёна иборат буда, ба сокинони деҳаи Чорбоғ хизмати тиббӣ мерасонад.

Ҳамчунин дар деҳоти Зарҳалоли шаҳри Истаравшан сохтмони меҳмонхона ва коргоҳи истеҳсолӣ аз ҷониби соҳибкор Солеҳ Азизов идома дорад. Дар назар аст, ки меҳмонхона 46 ҳуҷра, маркази хизматрасонӣ ва коргоҳи кандакориро фаро гирад.

Ҳамчунин дар шаҳри Истаравшан ҷамъоварии ҳосили картошка вусъат мегирад. Дар хоҷагии деҳқонии «Саидмурод»-и Ҷамоати деҳоти Чорбоғ бо истифода аз тухмии серҳосил ва риояи қоидаҳои агротехникӣ ҳосили хуб рӯёнида шуда, дар айни замон ҷамъоварии картошка идома дорад.

Соли 2026 дар хоҷагиҳои кишоварзии шаҳри Истаравшан дар 2506 гектар картошка кишт гардидааст. Ҷамъоварии ҳосили картошка идома дошта, маҳсулоти истеҳсолшуда ба бозорҳои дохилӣ бароварда мешавад. Дар ин раванд истифодаи самараноки замин, баланд бардоштани ҳосилнокӣ, риояи қоидаҳои агротехникӣ ва зиёд намудани ҳаҷми истеҳсоли маҳсулоти кишоварзӣ аҳамияти муҳим дорад.

АКС: Хадамоти матбуоти Раиси вилояти Суғд

Август 27, 2026 18:00

Хабарҳои дигари ин бахш

Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд