Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
ДУШАНБЕ, 17.08.2026 /АМИТ «Ховар»/. Раиси шаҳри Шероз Муҳаммад Ҳасан Асадӣ ва ҳайати ҳамроҳаш дар доираи сафари расмӣ ба Ҷумҳурии Тоҷикистон Мамнуъгоҳи таърихию фарҳангии Ҳисорро тамошо намуда, бо таъриху фарҳанги қадимии шаҳр ва ёдгориҳои нодири он шинос шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Раиси шаҳри Шероз Муҳаммад Ҳасан Асадӣ ва ҳамроҳонаш бо Қалъаи Ҳисор ва дигар мавзеъҳои таърихии ҳудуди мамнуъгоҳ шинос шуда, ба мероси бойи таърихию фарҳангии шаҳри Ҳисор таваҷҷуҳи хос зоҳир карданд.
Дар идомаи боздид меҳмонон бо таърихи Қасри ҳокими Ҳисор ва нақши он дар ҳаёти сиёсиву иҷтимоии давраҳои гузашта шинос шуданд. Иброз гардид, ки ҳифзу нигоҳдории ёдгориҳои таърихӣ ва муаррифии онҳо ба меҳмонони дохиливу хориҷӣ яке аз самтҳои муҳими рушди сайёҳӣ ва фарҳангии шаҳри Ҳисор мебошад.
Ҳайати шаҳри Шероз ҳамчунин аз дӯконҳои ҳунармандӣ боздид намуда, бо маҳсули дасти ҳунармандони маҳаллӣ, аз ҷумла маҳсулоти дӯзандагӣ, ҳунарҳои мардумӣ ва дигар корҳои дастӣ шинос шуданд. Меҳмонон ба маҳорати ҳунармандони шаҳри Ҳисор баҳои баланд дода, изҳор доштанд, ки чунин ташаббусҳо барои рушди ҳунарҳои мардумӣ, дастгирии занону ҳунармандон ва муаррифии фарҳанги миллӣ аҳамияти муҳим доранд.
Боздиди ҳайати шаҳри Шероз аз мавзеъҳои таърихию фарҳангии шаҳри Ҳисор дар таҳкими муносибатҳои дӯстӣ ва ҳамкории фарҳангиву иқтисодӣ байни ду шаҳри бостонӣ заминаи мусоид фароҳам оварда, ба густариши робитаҳои байнишаҳрӣ мусоидат мекунад.
АКС: Мақомоти иҷроияи ҳокимияти давлатии шаҳри Ҳисор
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
