Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
ДУШАНБЕ, 30.09.2026 /АМИТ «Ховар»/. 30 сентябр ҳайати Прокуратураи генералии Ҷумҳурии Тоҷикистон таҳти роҳбарии Прокурори генералӣ Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои Иттиҳоди Давлатҳои Мустақил (ШҲПГ ИДМ) иштирок намуд. Дар ин хусус ба АМИТ «Ховар» аз Прокуратураи генералии Ҷумҳурии Тоҷикистон хабар доданд.
Чорабинии мазкур дар шаҳри Қазони Федератсияи Русия таҳти раёсати Прокуратураи генералии Федератсияи Русия баргузор гардид.
Дар кори Шурои ҳамоҳангсозӣ ҳамчунин ҳайатҳои прокуратураҳои генералии Озарбойҷон, Арманистон (тавассути видеоконфронс), Беларус, Қазоқистон, Қирғизистон, Русия ва Узбекистон низ иштирок намуданд.
Дар ҷаласа инчунин муовини Прокурори генералии Туркманистон, Котиби иҷроияи Шурои ҳамоҳангсозии прокурорҳои генералии кишварҳои аъзои Иттиҳоди Давлатҳои Мустақил, Директори Департаменти ҳамкории амниятии Кумитаи иҷроияи ИДМ, Роҳбари Маркази зиддитеррористии кишварҳои аъзои ИДМ, Раиси Шурои ҳамоҳангсозии роҳбарони мақомоти тафтишоти андози кишварҳои аъзои ИДМ ва дигар меҳмонони даъватшуда иштирок доштанд.
Иштирокчиёни ҷаласа масъалаҳои муайян кардан, мусодира ва баргардонидани маблағҳои ғайриқонунӣ бадастовардашуда, механизмҳои гузаронидани тафтишоти зиддикоррупсионии ғайриҷиноятӣ, дурнамои истифодаи каналҳои амнияти рақамии муошират ва пешгирии экстремизм ва терроризмро бо назардошти таҷрибаи кунунии кишварҳои Иттиҳод баррасӣ карданд.
Дар фарҷоми ҷаласа Созишнома дар бораи ҳамкорӣ байни прокуратураҳои генералии кишварҳои аъзои ИДМ дар соҳаи мубориза бо терроризм ва экстремизм ба имзо расонида шуд.
АКС: Прокуратураи генералии Ҷумҳурии Тоҷикистон
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
