Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ДУШАНБЕ, 30.09.2026 /АМИТ «Ховар»/. Дар шаҳри Москваи Федератсияи Русия Фестивали байналмилалии донишҷӯёни кишварҳои аъзои Иттиҳоди Давлатҳои Мустақил таҳти унвони «Восхождение» баргузор гардид, ки дар он намояндагони Донишкадаи давлатии фарҳанг ва санъати Тоҷикистон ба номи Мирзо Турсунзода иштирок намуданд. Дар ин хусус ба АМИТ «Ховар» аз ин донишкада хабар доданд.
Фестивал дар Донишкадаи умумирусиягии давлатии кинематографияи ба номи С. А. Герасимов ифтитоҳ гардид. Дар он донишҷӯёни Донишкадаи давлатии фарҳанг ва санъати Тоҷикистон бо филми омоданамудаашон иштирок менамоянд. Ин фестивал барои андӯхтани таҷриба ва ошно гаштанашон бо навгониҳои синамои ҷаҳон нақши муассир мебозад.
Ректори донишкада Маҳмуд Назарзода иброз намуд, ки Донишкадаи умумирусиягии давлатии кинематографияи ба номи С. А. Герасимов ҳамчун муассисаи бонуфузи таълимии соҳаи кинематография дар омода намудани мутахассисони касбӣ ва рушди санъати кино нақши муҳим дорад. Он дар доираи робитаҳои байналмилалӣ яке аз ҳамкорони калидии Донишкадаи давлатии фарҳанг ва санъати Тоҷикистон мебошад.
Ҳайати профессорону устодони Донишкадаи давлатии фарҳанг ва санъати Тоҷикистон ба рушди ҳамкории мутақобили судманд бо Донишкадаи умумирусиягии давлатии кинематографияи ба номи С. А. Герасимов таваҷҷуҳи хос доранд. Мубодилаи таҷрибаи устодон, баргузории семинару дарсҳои маҳорат, ҳамкории донишҷӯён ва таҳияи лоиҳаҳои муштараки эҷодӣ аз ҷумлаи самтҳои муҳимми ҳамкории дуҷониба мебошанд, ки сол ба сол тавсеа меёбанд.
Омӯзгорони Донишкадаи давлатии фарҳанг ва санъати Тоҷикистон ҳамзамон дар Конфронси IV байналмилалии илмӣ-амалӣ таҳти унвони «Тамоюлҳои муосири раванди эҷодӣ дар мактабҳои кино: қаҳрамонони нав дар кадр ва берун аз кадр», ки дар доираи лоиҳаи «Кинообразование: совместные образовательные проекты государств-участников стран СНГ» доир шуд, иштирок намуданд. Дар доираи чорабинӣ барои баррасии дурнамои ҳамкории минбаъда вохӯрии судманд баргузор гардид.
АКС: Донишкадаи давлатии фарҳанг ва санъати Тоҷикистон ба номи Мирзо Турсунзода
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
