Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
ДУШАНБЕ, 01.09.2026 /АМИТ «Ховар»/. Аз 1 сентябри соли 2026 истифодаи барномаи мобилии «Амина» барои ҳама категорияҳои шаҳрвандони хориҷӣ, аз ҷумла шаҳрвандони Тоҷикистон, ки ба Федератсияи Русия бо тартиби бе раводид ворид мешаванд, ҳатмӣ мегардад. Дар ин хусус ба АМИТ «Ховар» аз Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират хабар доданд.
Барномаи мобилии «Амина» то имрӯз дар ҳудуди шаҳри Москва ва вилояти Москва асосан барои бақайдгирии муҳоҷирони меҳнатӣ истифода мешуд. Акнун доираи истифодабарандагони ин барнома васеъ гардида, ҳамчун воситаи рақамии бақайдгирии ҷойи зисти шаҳрвандони хориҷӣ истифода мешавад.
Аз ҷумла, тавассути ин барнома шаҳрвандони хориҷии аз 18-сола боло, аз ҷумла донишҷӯёни хориҷӣ – шаҳрвандони Ҷумҳурии Тоҷикистон, ки дар муассисаҳои таҳсилоти олӣ ва миёнаи касбӣ таҳсил мекунанд ё ба корҳои илмӣ-таҳқиқотӣ машғул мебошанд, метавонанд ҷойи зисти худро ба қайд гиранд.
Ҳамзамон шаҳрвандони хориҷии ноболиғ тибқи тартиби муқарраргардида барои гирифтани иҷозатномаи зисти муваққатӣ бояд ба шуъба ё раёсати Вазорати корҳои дохилии Федератсияи Русия вобаста ба ҷойи зист муроҷиат намоянд.
Шаҳрвандони хориҷӣ метавонанд барномаи мобилии «Амина»-ро мустақилона насб намоянд. Барои ворид шудан ба барномаи мобилӣ корти амалкунандаи шаҳрванди хориҷӣ зарур аст, ки он дар Маркази муҳоҷирати бисёрфунксионалӣ ба расмият дароварда мешавад. Дар ҳолати гум шудани корт ворид шудан ба барнома тавассути маълумоти шиноснома низ имконпазир мебошад.
АКС: Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
