Дар Душанбе Рӯзҳои кинои Эрон баргузор мегарданд
ДУШАНБЕ, 27.09.2026 /АМИТ «Ховар»/. Дар доираи сеюмин Синамоҷоизаи миллии «Тоҷи Сомон» (15–20 октябр) дар шаҳри Душанбе Рӯзҳои кинои Эрон доир мегарданд. Дар ин хусус ба АМИТ «Ховар» аз Муассисаи давлатии «Тоҷикфилм» хабар доданд.
Дар доираи Рӯзҳои кинои Эрон намоиши филмҳои муосири синамои ин кишвар баргузор гардида, барои тамошобинон имкони шиносоӣ бо дастовардҳо, навгониҳо ва равандҳои муосири кинематографияи Эрон фароҳам оварда мешавад.
Инчунин баргузории вохӯриҳои корӣ ва эҷодии синамогарони Тоҷикистону Эрон ба нақша гирифта шудааст. Дар онҳо масъалаҳои густариши ҳамкории дуҷониба, табодули таҷриба ва рушди робитаҳои эҷодиву касбӣ мавриди баррасӣ қарор мегиранд.
Баргузории Рӯзҳои кинои Эрон ба таҳкими робитаҳои фарҳангӣ ва синамоии Тоҷикистону Эрон, рушди ҳамкории байналмилалӣ ва фароҳам овардани заминаи муносиб барои табодули таҷрибаи синамогарони ду мамлакат мусоидат хоҳад кард.
Рӯзҳои кинои Эрон яке аз бахшҳои муҳими барномаи байналмилалии Синамоҷоизаи миллии «Тоҷи Сомон» ба шумор рафта, ба рушди муколамаи фарҳангӣ ва эҷодӣ байни синамогарони ду давлат равона шудааст.
АКС: Муассисаи давлатии «Тоҷикфилм»
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
