Дар Москва 35-солагии Истиқлоли давлатии Ҷумҳурии Тоҷикистонро таҷлил намуданд
ДУШАНБЕ, 04.09.2026 /АМИТ «Ховар»/. 3 сентябр дар шаҳри Москва ба муносибати таҷлили 35-солагии Истиқлоли давлатии Ҷумҳурии Тоҷикистон ҳамоиши маърифатӣ-фарҳангӣ баргузор гардид, хабар медиҳад мухбири АМИТ «Ховар».
Ҳамоиш дар Сафорати Ҷумҳурии Тоҷикистон дар Федератсияи Русия доир шуда, дар он роҳбарият ва кормандони Сафорат, роҳбарони намояндагиҳои вазорату идораҳои кишвар дар Россия, аъзои Шурои ҷамъиятии назди Сафорат ва донишҷӯёни тоҷик иштирок намуданд.
Зимни суханронӣ Сафири Ҷумҳурии Тоҷикистон дар Федератсияи Русия Давлатшоҳ Гулмаҳмадзода таъкид намуд, ки 35 соли Истиқлоли давлатӣ барои миллати тоҷик на танҳо марҳалаи муҳими таърихӣ, балки давраи ташаккули давлатдории миллӣ, таҳкими пояҳои давлатдории навин, эҳёи арзишҳои миллӣ ва муайян намудани самтҳои стратегии рушди мустақили давлат ба ҳисоб меравад.
Муовини Вазири фарҳанги Ҷумҳурии Тоҷикистон зимни суханронӣ дар бораи дастовардҳои бузурги давраи соҳибистиқлолӣ, бавижа дар соҳаҳои фарҳанг, адабиёт ва табъу нашр, инчунин доир ба саҳми бузурги Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар эъмори давлати навини тоҷикон ба ҳозирин иттилоъ дод.
Дар ҷараёни ҳамоиш иштирокчиён доир ба рушди ҳамкории фарҳангӣ ва ҳифзи арзишҳои миллӣ дар хориҷи мамлакат мубодилаи афкор намуданд.
АКС: АМИТ «Ховар»
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
