Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
ДУШАНБЕ, 27.09.2026 /АМИТ «Ховар»/. Бо мақсади ҳамоҳангсозии корҳои омодагӣ ба баргузории Намоишгоҳи байналмилалии «Тоҷикистон – кишвари ёдгориҳои нодир» байни роҳбарияти Осорхонаи миллии Тоҷикистон ва Осорхонаи тамаддунҳои шаҳри Рим мулоқоти маҷозӣ баргузор гардид, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Дар мулоқот директори Осорхонаи миллии Тоҷикистон Зафаршо Иброҳимзода ва директори Осорхонаи тамаддунҳои Рим доктор Луана Тониоло, Сафири Фавқулода ва Мухтори Ҷумҳурии Тоҷикистон дар Ҷумҳурии Италия Ҷамолиддин Убайдулло, инчунин мутахассисони ҳар ду муассисаи фарҳангӣ, ки дар самтҳои ташкилию намоишгоҳӣ, илмӣ ва техникии омодасозии намоишгоҳ масъулият доранд, иштирок намуданд.
Зимни мулоқот маҷмуи масъалаҳои марбут ба омодагӣ ва баргузории намоишгоҳи байналмилалӣ мавриди баррасӣ қарор гирифт. Аз ҷумла, ҷонибҳо масъалаҳои марбут ба лоиҳаи ангоравии намоишгоҳ, таҳия ва омода намудани баннерҳо ва феҳристи намоишгоҳ, тарҷума ва таҳрири матнҳои тавзеҳотии нигораҳо, инчунин ҷанбаҳои техникии интиқол, бастабандӣ, насб ва барчидани ашёи осорхонавиро баррасӣ намуданд.
Ҳамзамон масъалаи иштироки мутахассисони ҳар ду ҷониб дар марҳилаҳои насб ва барчидани нигораҳо, риояи талаботи техникию осорхонавӣ ҳангоми кор бо ашёи намоишӣ ва дигар масъалаҳои марбут ба омодасозии ҳамаҷонибаи намоишгоҳ мавриди муҳокима қарор гирифт.
Дар мулоқот ҷонибҳо зарурати ҳамоҳангсозии пайвастаи корҳои ташкилӣ, илмӣ ва техникии марбут ба намоишгоҳро таъкид намуда, барои идомаи ҳамкории муштарак ибрози омодагӣ намуданд.
АКС: Осорхонаи миллии Тоҷикистон
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
