Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
ДУШАНБЕ, 22.09.2026 /АМИТ «Ховар»/. 21 сентябр дар доираи иҷлосияи 81-уми Маҷмаи Умумии Созмони Милали Муттаҳид дар шаҳри Ню-Йорк ба намояндагони баландпояи Бонки ҷаҳонӣ мукофотҳои давлатии Ҷумҳурии Тоҷикистон супорида шуданд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар маросим Вазири корҳои хориҷии Ҷумҳурии Тоҷикистон Сироҷиддин Муҳриддин иштирок намуда, аз сатҳи баланди ҳамкории фарогир ва созандаи Тоҷикистон бо Бонки ҷаҳонӣ изҳори сипос намуд.
Вазири корҳои хориҷӣ барои саҳми арзишманд дар таҳкими ҳамкорӣ ва рушди муносибатҳои ҳамкорӣ бо Ҷумҳурии Тоҷикистон аз номи роҳбарияти давлат ва Ҳукумати Ҷумҳурии Тоҷикистон ба мудири иҷроияи амалиёти Бонки ҷаҳонӣ Анна Бйерде ва ноиби президенти Бонки ҷаҳонӣ оид ба минтақаи Аврупо ва Осиёи Марказӣ Антонелла Бассани мукофоти давлатии Ордени «Дӯстӣ» тақдим намуд.
Дар навбати худ Анна Бйерде ва Антонелла Бассани барои сарфароз гардонида шудан бо мукофоти давлатии Ҷумҳурии Тоҷикистон – Ордени «Дӯстӣ» изҳори сипос намуда, ин қадршиносиро нишонаи баланди эътимод ва эътирофи саҳми онҳо дар рушди ҳамкории Бонки ҷаҳонӣ бо Ҷумҳурии Тоҷикистон арзёбӣ карданд.
Онҳо ҳамзамон ба Президенти Ҷумҳурии Тоҷикистон ва Ҳукумати мамлакат барои ин қадршиносии арзишманд миннатдорӣ баён намуда, барои идомаи мусоидат ба таҳкими ҳамкории судманд ва шарикии дарозмуддат байни Ҷумҳурии Тоҷикистон ва Бонки ҷаҳонӣ изҳори омодагӣ доштанд.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон бо раиси иҷроии Муассисаи ташаббуси сармоягузории оянда мулоқот намуд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дурнамои муносибатҳои дуҷонибаи Тоҷикистону Умон баррасӣ гардид
Тоҷикистон ва Австрия машваратҳои сиёсӣ баргузор намуданд
Сафири Тоҷикистон дар Кувайт бо роҳбарияти хабаргузории KUNA ҳамкории иттилоотиро баррасӣ кард
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Намояндаи Тоҷикистон дар ҳамоиши Созмони ҳамкории исломӣ иштирок намуд
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
