Оид ба 35 ташаббуси созандаи Президенти Тоҷикистон дар соҳаи таҳсилоти ибтидоӣ ва миёнаи касбӣ конференсияи ҷумҳуриявӣ доир гардид
ДУШАНБЕ, 14.09.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар Коллеҷи технологии шаҳри Душанбе оид ба 35 ташаббуси созандаи Президенти Тоҷикистон муҳтарам Эмомалӣ Раҳмон дар соҳаи таҳсилоти ибтидоӣ ва миёнаи касбӣ конференсияи ҷумҳуриявии илмӣ-амалӣ баргузор шуд. Дар ин хусус АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар медиҳад.
Иштирокдорони конференсия оид ба аҳаммияти Истиқлоли давлатӣ дар таҳкими давлатдории миллӣ, таъмини сулҳу субот, аҳаммияти ташаббусҳои созандаи Пешвои миллат дар самти таҳсилоти касб, дастовардҳои соҳаи таҳсилоти ибтидоӣ ва миёнаи касбӣ ибрози андеша намуданд. Инчунин масъалаҳои марбут ба омодасозии кадрҳои соҳибкасб, баланд бардоштани мақоми омӯзгор ва фароҳам овардани шароити мусоид барои донишҷӯён мавриди баррасӣ қарор гирифтанд.
Иброз гардид, ки маҳз бо шарофати Истиқлоли давлатӣ ва сиёсати созандаву дурбинонаи Пешвои миллат муҳтарам Эмомалӣ Раҳмон дар ҷумҳурӣ барои таҳкими пояҳои давлатдорӣ, таъмини сулҳу суботи ҷомеа ва рушди устувори иқтисодиву иҷтимоӣ заминаҳои мусоид фароҳам оварда шуданд.
Дар солҳои соҳибистиқлолӣ барои рушди илм, таҳкими иқтидори илмӣ ва омодасозии кадрҳои баландихтисос имконияти нав фароҳам омада, илм ба яке аз омилҳои муҳими рушди устувори ҷомеа ва пешрафти мамлакат табдил ёфтааст.
Таъкид шуд, ки дар ин давра соҳаи таҳсилоти ибтидоӣ ва миёнаи касбӣ ба яке аз самтҳои муҳими сиёсати иҷтимоии давлат табдил ёфта, барои рушди он тадбирҳои пайваста амалӣ мегарданд. Таъмини муассисаҳои таълимӣ бо шароити муосир, беҳтар намудани сифати таълим, амалӣ намудани технологияҳои нав аз ҷумлаи самтҳои афзалиятнок маҳсуб мешаванд. Имрӯз муассисаҳои таҳсилоти касбӣ дар омода намудани кадрҳои соҳибкасб, баланд бардоштани сатҳи маърифати касбии ҷавонон ва қонеъ намудани талаботи бозори меҳнат нақши муҳим доранд.
Дар фарҷоми ҳамоиш ба як зумра кормандону омӯзгорон барои фаъолияти пурсамар ва саҳми арзанда дар рушди соҳаи таҳсилоти касбӣ, инчунин ба донишҷӯёне, ки дар чорабиниҳо бахшида ба 35-солагии Истиқлоли давлатӣ ва озмунҳои муассисавӣ фаъолона иштирок намуданд, мукофотҳои соҳавӣ, Ифтихорнома ва Сипоснома тақдим карда шуданд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
Сарвари давлат Эмомалӣ Раҳмон дар шаҳри Кӯлоб 10 иншооти соҳаи маорифро ба таври фосилавӣ мавриди истифода қарор доданд
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
