Соли 2026 дар Федератсияи Русия барои бо ҷойи кор таъмин намудани шаҳрвандони Тоҷикистон беш аз 40 вохӯрӣ доир шуд
ДУШАНБЕ, 05.09.2026 /АМИТ «Ховар»/. Яке аз самтҳои асосии фаъолияти Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират мусоидат ба таъмин намудани шаҳрвандони Ҷумҳурии Тоҷикистон бо ҷойи кор мебошад. Дар ин замина намояндагӣ бо субъектҳои хоҷагидор, корфармоёни хурду бузург, намояндагони ташкилоти бокортаъминкунӣ ва вазорату идораҳои дахлдори давлатӣ ҳамкории мунтазам ба роҳ мондааст.
Тавре ба АМИТ «Ховар» аз намояндагӣ хабар доданд, дар иртибот ба масъалаи бо ҷойи кор таъмин намудани шаҳрвандони Ҷумҳурии Тоҷикистон дар Федератсияи Русия давоми соли 2026 аз ҷониби масъулини намояндагӣ бо корфармоён беш аз 40 вохӯрии судманд баргузор гардид.
Зимни вохӯриҳо масъалаҳои омода намудани кадрҳо дар Тоҷикистон вобаста ба тахассусҳои бозорталаби меҳнат, мусоидат барои бо ҷойи кор таъмин намудани шаҳрвандон, инчунин ҳифзи ҳуқуқу манфиатҳои муҳоҷирони меҳнатӣ, таъмини кафолатҳои иҷтимоӣ ва пешгирии ҳолатҳои нохуш дар истеҳсолот мавриди баррасии ҳамаҷониба қарор гирифтанд.
Дар ин раванд корфармоёни Федератсияи Русия аз фаъолияти меҳнатии шаҳрвандони Тоҷикистон изҳори қаноатмандӣ намуда, барои таҳкими ҳамкорӣ пешниҳод манзур менамоянд.
Дар натиҷаи сиёсати созанда ва тадбирҳои пайгиронаи Президенти Ҷумҳурии Тоҷикистон муҳтарам Эмомалӣ Раҳмон ва ҳамкории шарикии боэътимоду стратегии Тоҷикистону Федератсияи Русия муносибатҳои дуҷониба дар самти муҳоҷирати меҳнатӣ дар солҳои соҳибистиқлолӣ ба натиҷаҳои назаррас ноил гардиданд.
Дар ин замина барои фаъолияти меҳнатии шаҳрвандони Ҷумҳурии Тоҷикистон дар ин давлат шароити мусоид фароҳам оварда шуда, ҳамкории дуҷониба дар самти ҳифзи ҳуқуқу манфиатҳои муҳоҷирони меҳнатӣ ва мусоидат ба шуғли онҳо пайваста тақвият меёбад.
АКС: Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
