Варзишгарони тоҷик дар Бозиҳои XX Осиёӣ иштирок менамоянд
ДУШАНБЕ, 11.09.2026 /АМИТ «Ховар»/. Аз 19 сентябр то 4 октябри соли 2026 дар шаҳрҳои Айчи ва Нагояи Ҷопон Бозиҳои XX Осиёӣ баргузор мешаванд.
Тавре ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд, имрӯз маросими гусели ҳайати варзишии мамлакат ба Бозиҳои Осиёӣ баргузор гардид.
Муовини Сарвазири Ҷумҳурии Тоҷикистон Дилрабо Мансурӣ иброз намуд, ки баромади ҳар варзишгар дар чунин мусобиқаҳо на танҳо майдони намоиши маҳорати касбӣ, балки василаи муаррифии Тоҷикистон ва арзишҳои миллӣ мебошад.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода иброз дошт, ки натиҷаҳои варзишгарон самараи омодагии ҷиддӣ, меҳнати мураббиён ва талошҳои пайваста мебошанд. Аз ин рӯ, аз ҳар узви дастаи мунтахаби мамлакат масъулияти баланд, маҳорати касбӣ ва садоқат ба Ватан талаб карда мешавад.
Дар идомаи чорабинӣ варзишгар оид ба риштаи бокс Миҷгона Самадова парчамбардори ҳайати мунтахаби Ҷумҳурии Тоҷикистон интихоб гардид.
Дар Бозиҳои имсола аз Тоҷикистон 187 нафар иштирок менамоянд, ки 107 нафар варзишгар ва 80 нафар масъулину мураббиён мебошанд.
Ёдовар мешавем, ки Бозиҳои Осиёӣ дар ҳар чаҳор сол як маротиба баргузор мегарданд. Дар охирин мусобиқа- соли 2022 дар шаҳри Ҳангжоуи Чин ҷудочиёни тоҷик Сомон Маҳмадбеков (-81 кг ) медали тилло, Темур Раҳимов (+100 кг) медали нуқра ва Беҳрӯз Хоҷазода (-73 кг) медали биринҷӣ ба даст оварда буданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
