Дар Тоҷикистон ду нафари аз 110-сола боло зиндагӣ менамоянд
ДУШАНБЕ, 01.10.2026 /АМИТ «Ховар»/. Дар Ҷумҳурии Тоҷикистон 239 нафақагири аз садсола боло зиндагӣ менамоянд. Дар ин хусус ба АМИТ «Ховар» аз Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон иттилоъ доданд.
Куҳансолтарин нафақагирон ду сокини мамлакат мебошанд, ки 113 сол дошта, дар шаҳри Бохтар ва ноҳияи Рӯдакӣ зиндагӣ мекунанд. Нафақагирони аз садсола боло дар Вилояти Мухтори Кӯҳистони Бадахшон 2 нафар, вилояти Суғд- 37 нафар, вилояти Хатлон- 103 нафар, шаҳри Душанбе- 13 нафар ва дар ноҳияҳои тобеи ҷумҳурӣ 84 нафарро ташкил медиҳанд. Ба ин нафарон ҳар сол кумакпулиҳо расонида мешаванд.
Шумораи нафақагирон дар Ҷумҳурии Тоҷикистон то 1 сентябри соли равон 893 049 нафарро ташкил медиҳад.
Аз 1 сентябри соли 2026 нафақаҳои суғуртавӣ, меҳнатӣ ва иҷтимоӣ, инчунин иловапулӣ ба онҳо тибқи муқаррароти моддаи 51 Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» ва андозаи нафақаи заминавӣ дар сатҳи таварруми соли 2025, вале на кам аз 15 фоиз аз андозаи муқарраршудаашон индексатсия (зиёд) карда мешаванд.
Бо мақсади ҳифзи иҷтимоии аҳолӣ, таъмини зиндагии шоистаи шаҳрвандон, ба хусус насли калонсоли мамлакат бо мусоидату дастгирӣ ва таваҷҷуҳи махсуси Ҳукумати ҷумҳурӣ, хосса Президенти Ҷумҳурии Тоҷикистон муҳтарам Эмомалӣ Раҳмон тадбирҳои зиёд андешида мешаванд. Аз соли 2020 то инҷониб, яъне дар шаш соли охир дар асоси фармонҳои Президенти Ҷумҳурии Тоҷикистон андозаи нафақаи шаҳрвандон шаш маротиба зиёд гардид. Ба таври муқоиса, агар соли 2020 андозаи нафақаи миёнаи шаҳрвандон 320 сомониро ташкил медод, соли 2025 ба 515 сомонӣ баробар гардид. Яъне, дар ин муддат андозаи миёнаи нафақаи шаҳрвандон 60 фоиз зиёд гардидааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
«ХУШДОМАНИ БЕҲТАРИН». Шоҳҷоизаи озмун насиби Холбӣ Амонбекова аз шаҳри Хоруғ гардид
РӮЗИ БАЙНАЛМИЛАЛИИ ПИРОНСОЛОН. Куҳансолон хазинаи бебаҳои инсоният мебошанд
Масъалаи ҳифзи кӯдакон аз таъсири таблиғи ғизои носолим баррасӣ гардид
Дар вилояти Хатлон ғолибони Озмуни ҷумҳуриявии «Хушдомани беҳтарин» муайян гардиданд
Осори Мавлоно чун падидаи нодири адабиёт ва андешаи башарӣ то имрӯз аҳаммияти бузурги маънавию ахлоқӣ дорад
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
