ДАЪВАТИ ТИРАМОҲӢ. Нақшаи даъвати ҳарбии ҷавонон ба сафи Артиши миллӣ дар Норак дар рӯзи якум иҷро шуд
ДУШАНБЕ, 01.10.2026 /АМИТ «Ховар»/. Дар шаҳри Норак нақшаи даъвати тирамоҳии ҷавонон ба сафи Қувваҳои Мусаллаҳи Тоҷикистон дар рӯзи нахустин 100 фоиз иҷро гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Норак хабар доданд.
Иброз гардид, ки ҷавонони далеру шуҷои шаҳри Норак имрӯз идомадиҳандаи суннатҳои пурифтихори аҷдодӣ буда, барои ҳифзи истиқлолият, сулҳу субот ва оромии мардуми азизамон хизмат менамоянд.
Ҳимояи марзу буми Ватан, манфиатҳои давлат ва таҳкими Истиқлолияти давлатӣ вазифаи муқаддаси ҳар шаҳрванди ватандӯст ба ҳисоб меравад. Хизмат дар сафи Қувваҳои Мусаллаҳ барои ҷавонон мактаби бузурги ҷасорату мардонагӣ, интизом, масъулиятшиносӣ ва садоқат ба Ватан буда, дар ташаккули ҳисси баланди ватандӯстӣ ва худшиносии миллӣ нақши муҳим дорад.
Аз ҷавонон даъват ба амал оварда шуд, ки бо дарки масъулияти баланди шаҳрвандӣ ва ҳисси муҳаббат ба Ватан ба хизмати ҳарбӣ рафта, вазифаи муқаддаси худро софдилона иҷро намоянд.
Яке аз лаҳзаҳои хотирмони ҳамоиш гусели наваскарон бо риояи суннатҳои неки мардуми тоҷик — дуои хайр, нону намак ва дуои модар буд. Падару модарон ва наздикони даъватшавандагон фарзандони худро бо дуои нек, орзуи хизмати содиқона, сарбаландӣ ва бозгашти сиҳату саломат ба назди аҳли оила гусел намуданд.
Ҷавонони шаҳри Норак, ки имрӯз ба сафи Қувваҳои Мусаллаҳи Ҷумҳурии Тоҷикистон дохил мегарданд, бо ҳисси баланди масъулияти шаҳрвандӣ, нангу номуси ҷавонмардӣ ва садоқат ба Ватан-Модар ба адои хизмати ҳарбӣ раҳсипор шуданд.
АКС: Мақомоти иҷроияи ҳокимияти давлатии шаҳри Норак
Ноҳияҳои минтақаи Рашт нақшаи даъват ба сафи Артиши миллиро 100 фоиз иҷро намуданд
РИСОЛАТИ ҶАВОНМАРДӢ. Вилояти Мухтори Кӯҳистони Бадахшон нахустин шуда, нақшаи даъвати ҷавонон ба сафи Артиши миллиро 101 фоиз иҷро намуд
Ҷаласаи навбатии Шурои вазирони корҳои дохилии кишварҳои аъзои ИДМ доир шуд
Дар Қазон ҷаласаи 24-уми прокурорҳои генералии кишварҳои аъзои Созмони ҳамкории Шанхай баргузор шуд
ДАЪВАТИ ТИРАМОҲӢ. Ҷавонони сарбаланди ноҳияи Вахш бо ҳисси баланди ватандӯстӣ ба сафи Артиши миллӣ ҳамроҳ шуданд
ДАЪВАТИ ТИРАМОҲӢ. Дар шаҳри Гулистон нақшаи даъвати ҷавонон ба хизмати ҳарбӣ 100 фоиз иҷро шуд
ДАЪВАТИ ТИРАМОҲӢ. Наваскарони ноҳияи Ёвонро ба сафи Қувваҳои Мусаллаҳи Тоҷикистон ботантана гусел намуданд
ДАЪВАТИ ТИРАМОҲӢ. Дар шаҳри Бӯстон нақшаи даъвати ҷавонон ба хизмати ҳарбӣ 100 фоиз иҷро шуд
ДАЪВАТИ ТИРАМОҲӢ. Шаҳри Бохтар нақшаи даъвати тирамоҳиро 100 фоиз иҷро намуд
ХИЗМАТ БА ВАТАН–ШАРАФИ ҶАВОНМАРДӢ. Имрӯз дар Тоҷикистон Рӯзи даъватшаванда оғоз гардид
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
