Муаррифии кадрҳои нави роҳбарикунандаи Мақомоти иҷроияи маҳаллии ҳокимияти давлатии шаҳри Душанбе

Январь 12, 2017 19:21, 617 хонанда

Хабарҳои мавзӯъ

MNK_7453

ДУШАНБЕ, 12.01.2017. /АМИТ «Ховар»/. Имрӯз дар бинои маркази равобити «Пойтахт» бо иштироки Сарвазири Ҷумҳурии Тоҷикистон Қоҳир Расулзода, вакилони халқи шаҳри Душанбе ва ноҳияҳои он, инчунин намояндагони дигар сохторҳои идории шаҳри Душанбе маросими муаррифии ҳайати нави роҳбарикунандаи Мақомоти иҷроияи маҳаллии ҳокимияти давлатии шаҳри Душанбе баргузор гардид.

Ҳамин тариқ дар асоси Фармони Президенти Ҷумҳурии Тоҷикистон мутобиқи моддаи 69-и Конститутсияи Ҷумҳурии Тоҷикистон Маҳмадсаид Убайдуллоев аз вазифаи Раиси шаҳри Душанбе озод гардида, ҳамзамон дар асоси Фармони Президенти Ҷумҳурии Тоҷикистон Рустами Эмомалӣ кадри ҷавону лаёқатманд, соҳибтаҷриба ва донандаи хуби забонҳои хориҷӣ иҷрокунандаи вазифаи Раиси шаҳри Душанбе таъйин карда шуд.

Ҳамчунин мутобиқи моддаи 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ҳамаи муовинони раиси шаҳри Душанбе озод карда шуда, ба ҷойи онҳо кадрҳои ҷавону корозмуда Зувайдзода Маҳмадсаид Маҳмуд, Назирмадзода Бахтиёр, Муинӣ Мавсума, Саидзода Қурбон ва Ҷумазода Фаррух ба ин вазифаҳои пурмасъул дар Мақомоти иҷроияи маҳаллии ҳокимияти давлатии шаҳри Душанбе таъйин гардиданд. Ҳамчунин Саидзода Тоҷиддин — роҳбари Дастгоҳи Раиси шаҳри Душанбе ва Шарифзода Хушвахт — сардори Раёсати тандурустии шаҳри Душанбе таъйин карда шуданд.

Бо фармонҳои Президенти Ҷумҳурии Тоҷикистон раисони ноҳияҳои Исмоили Сомонӣ, Сино ва Шоҳмансури пойтахт аз вазифа озод гардида, Салимзода Нусратулло Файзулло — иҷрокунандаи вазифаи Раиси ноҳияи Сино, Самӣ Шариф Ҳамид — иҷрокунандаи вазифаи Раиси ноҳияи Исмоили Сомонӣ ва Ҳакимзода Низом Ҳоҷӣ — иҷрокунандаи вазифаи Раиси ноҳияи Шоҳмансури шаҳри Душанбе таъйин карда шуданд.

Дар ҷамъомад Сарвазири Ҷумҳурии Тоҷикистон Қоҳир Расулзода ба собиқ Раиси шаҳри Душанбе Маҳмадсаид Убайдуллоев барои хизматҳои арзишманд дар солҳои тӯлонии роҳбарӣ аз номи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон миннатдорӣ баён намуда, тибқи Фармони Президенти Ҷумҳурии Тоҷикистон мутобиқи моддаи 69-и Конститутсияи  Ҷумҳурии Тоҷикистон барои фаъолияти босамар ба ӯ Ордени «Зарринтоҷ», дараҷаи-1 тақдим кард.

Сипас иҷрокунандаи раиси шаҳри Душанбе Рустами Эмомалӣ дар назди ҳозирин суханронӣ намуда, дар асоси эътимод ба неруи созандаи ҷавонон нақшаҳои мукаммали рушди инфрасохтори пойтахтро муаррифӣ кард, ки бо назардошти талабот ва стандартҳои муосири шаҳрсозӣ амалӣ мешаванд.

Дар ин замина роҳбарияти нави мақомоти иҷроияи маҳаллии ҳокимияти давлатии пойтахт, ки аз ҳисоби мутахассисони таҷрибадору корозмуда таъйин гардидаанд, ҷавобан ба боварӣ ва эътимод ба неруву малакаи созандаи ҷавонон изҳор доштанд, ки софдилона ва содиқона барои рушди иқтисодиву иҷтимоии шаҳри Душанбе саҳм гузошта, мақоми пойтахти кишварро дар арсаи байналмилалӣ чун симои кишвари ҳамешасабз боло мебардоранд.

Январь 12, 2017 19:21, 617 хонанда

Хабарҳои дигари ин бахш

Рустами ЭмомалиРустами Эмомалӣ бо Филип Беннетт мулоқот намуд
ТВ ПойтахтМуассисаи давлатии «Телевизиони Пойтахт» ба ТВ «Душанбе» табдил дода шуд
ДушанбеДар Душанбе ба муносибати Соли ҷавонон силсилабарномаҳои фарҳангӣ-фароғатӣ доир мегарданд
Рустами ЭмомалиАрзи сипоси Рустами Эмомалӣ ба аҳли фарҳанг
мактаби 53-3Рустами Эмомалӣ ба сохтмони мактабҳои замонавӣ дар шаҳри Душанбе санги асос гузошт
Муовини Раиси шаҳри Душанбе бо сармоягузорони араб мулоқот анҷом додМуовини Раиси шаҳри Душанбе бо сармоягузорони араб мулоқот анҷом дод
Rustami-Emomali-i-EBRRМулоқоти Рустами Эмомалӣ бо ҳайати Бонки аврупоии таҷдид ва рушд
Дар Душанбе ҳашари умумишаҳрӣ бо иштироки зиёда аз 1000 нафар доир гардидДар Душанбе ҳашари умумишаҳрӣ бо иштироки зиёда аз 1000 нафар доир гардид
НаврузгохБахшида ба Наврӯз дар Душанбе мусобиқаҳои ҷоми «Пойтахт-2017» баргузор мегарданд
ФейерверкДар Душанбе бахшида ба Иди байналмилалии Наврӯз мушакпарронии (фейерверки) идона баргузор мегардад
Рустами Эмомали и Элизабет МиллардРустами Эмомалӣ бо Элизабет Миллард оид ба уфуқҳои нави ҳамкории мутақобилан судманд мубодилаи афкор намуданд
ДастгохДар Душанбе барои саҳми арзандаю ширкати фаъолонаи занон — кормандони раёсатҳои истифодабарии роҳҳо беш аз ду миллион сомонӣ ҳамчун кумак ҷудо гардид