Дар Душанбе озмуни «Рушди деҳот, сайёҳӣ ва ҳунарҳои мардумӣ — нишонаи рушди ҷомеаи нав» ҷамъбаст гардид

Март 13, 2020 16:37

ДУШАНБЕ, 13.03.2020 /АМИТ «Ховар»/. Имрӯз дар шаҳри Душанбе маросими супоридани ҷоизаҳо ба ғолибони озмуни «Рушди деҳот, сайёҳӣ ва ҳунарҳои мардумӣ — нишонаи рушди ҷомеаи нав», ки ба Солҳои рушди деҳот, сайёҳӣ ва ҳунарҳои мардумӣ бахшида шудааст, баргузор гардид.

Дар маросими ботантанаи ҷоизасупорӣ намояндагони Дастгоҳи иҷроияи Президенти Ҷумҳурии Тоҷикистон, Вазорати маориф ва илм, Кумитаи рушди сайёҳии назди Ҳукумати Ҷумҳурии Тоҷикистон, сафоратҳои хориҷӣ ва ВАО ширкат варзиданд.

Озмунро нашрияи Ҳукумати Ҷумҳурии Тоҷикистон «Народная Газета» 1 марти соли гузашта эълон карда буд. Қабули мавод ба озмун 1 марти соли 2020 ба анҷом расида, дар номгӯи мақолаҳо дар бораи деҳот, сайёҳӣ ва ҳунарҳои мардумӣ сурат гирифт. Дар озмун рӯзноманигорон аз расонаҳои давлатӣ ва хусусӣ, устодони донишгоҳҳо, кормандони мақомоти давлатӣ, донишҷӯёни донишгоҳҳо ва хонандагони муассисаҳои таҳсилоти умумӣ ширкат варзиданд.

Дар маҷмӯъ, дар ин давра дар саҳифаҳои ин нашрия тақрибан 150 мақола дар бораи Солҳои рушди деҳот, сайёҳӣ ва ҳунарҳои мардумӣ нашр шуданд, ки қариб 40 адади онҳо ба озмун пешниҳод шуданд. Ҳайати ҳакамон ба сифати маводи пешниҳодшуда баҳои баланд доданд.

Ҳайати ҳакамон дар се номгӯй 9 ғолибро интихоб кард. Ғолибон бо дипломҳо, туҳфаҳо аз сарпарастон ва туҳфаҳои молиявӣ аз «Народная газета» қадрдонӣ шуданд.

Озмун аз ҷониби Кумитаи рушди сайёҳии назди Ҳукумати Ҷумҳурии Тоҷикистон, меҳмонхонаи «Hyatt Regency Dushanbe» ва Ҷамъияти масъулияташ маҳдуди «Асрори санг» сарпарастӣ шуд.

Март 13, 2020 16:37

Хабарҳои дигари ин бахш

МУРОҶИАТНОМАИ Вазорати маориф ва илми Ҷумҳурии Тоҷикистон ба хонандагон, донишҷӯён, устодон, омӯзгорон, падару модарон ва аҳли маорифи мамлакат
ЛОИҚ ШЕРАЛӢ ВА ҲУВИЯТИ МИЛЛӢ. Ёдкард аз мақолаҳои таърихии шоири шаҳир ва публисисти шуълавари тоҷик дар рӯзи мавлудаш
ЁДБУД. Мӯъмин Қаноат — чеҳраи мондагори таърихи адабиёти тоҷик
ДАСТ БА ДАСТИ ҲАМ ДИҲЕМ! Муроҷиатномаи Вазорати фарҳанги Тоҷикистон ба мардуми мамлакат дар робита ба пешгирӣ аз коронавируси COVID–19
ИМРӮЗ – РӮЗИ УМУМИҶАҲОНИИ ОСОРХОНАҲО . Онҳо дар Тоҷикистон дар ҳифзу нигаҳдошт, бозшиносиву муаррифии ашёи гаронбаҳои мадании миллат саҳми босазо доранд
Дар Маркази таҳсилоти иловагии вилояти Суғд фаъолияти маҳфилҳо фосилавӣ ба роҳ монда шуд
Камол Насрулло, Шоири халқии Тоҷикистон: «Иқдомҳои Ҳукумати Тоҷикистонро набояд нодида гирифт»
ҚОИДАҲОИ ИМЛО: МУШКИЛОТ, ТАҲЛИЛ ВА ПЕШНИҲОДОТ. АМИТ «Ховар» андешаҳои вакили Маҷлиси намояндагон Саодатшо Матробиёнро манзур намуда, ҳамзамон онҳоро қобили баррасӣ ва таҳлили ҷиддӣ мешуморад
ҶАҲОНРО ЗЕБОӢ НАҶОТ МЕДИҲАД! Имрӯз танҳо ҳамбастагӣ, роҳ надодан ба ваҳму ҳарос ва риояи қатъии тавсияҳои табибон имкон медиҳад дар мубориза бо ин вирус дастболо гардем
АВВАЛ АНДЕША, БАЪД ГУФТОР! Вокуниши Академияи миллии илмҳои Тоҷикистон ба нигоштаи нодурусту бардурӯғи Радиои «Озодӣ»
ДАР ҲИФЗИ ҶОНИ МИЛЛАТ. Чакомаҳои Шоири халқии Тоҷикистон Камол Насрулло ба табибони ҳозиқ
Кумитаи рушди сайёҳӣ: аз хизматрасониҳои сайёҳӣ ва омаду рафти сайёҳон то муътадил гардидани вазъи хавфи бемории COVID-19 худдорӣ мешавад

Маводҳои таҳлилӣ