Сайёҳон баъди карантин саёҳати худро дар Тоҷикистон идома доданд
ДУШАНБЕ, 02.04.2020. /АМИТ «Ховар»/. Чанд нафар сайёҳе, ки ҳангоми ворид шудан ба сарҳади Ҷумҳурии Тоҷикистон дар пайи хуруҷи коронавирус дар шаҳри Хоруғ ба карантин фаро гирифта шуда буданд, баъди анҷоми он тавассути хатсайри Хоруғ-Дарвоз-Кӯлоб-Данғара-Норак-Душанбе саёҳати худро идома доданд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
«Ин сайёҳон дар пайи хуруҷи коронавирус ҳангоми ворид шудан ба сарҳади давлати мо дар шаҳри Хоруғ ба карантин фаро гирифта шуданд. Онҳо аз шароит ва хизматрасонии макони карантин изҳори қаноатмандӣ намуда, тавассути хатсайри Хоруғ-Дарвоз-Кӯлоб-Данғара-Норак-Душанбе саёҳати худро идома доданд», — тазаккур доданд дар Кумитаи рушди сайёҳӣ.
Дирӯз дар шаҳри Душанбе роҳбарият ва кормандони Кумитаи рушди сайёҳӣ аз ҳоли сайёҳоне, ки дар Тоҷикистон дармондаанд, хабар гирифтанд. Имрӯз бо роҳнамоии кормандони Кумитаи рушди сайёҳӣ ва хизматрасонии ширкати сайёҳии «Ориент Адвентур» сайёҳон аз маконҳои тамошобоби шаҳри Душанбе, назири Кохи Наврӯз, осорхонаҳо, боғҳои фарҳангию фароғатӣ ва марказҳои савдою хизматрасонӣ дидан намуданд.
«Сайёҳон таассуроташонро аз шароит ва сатҳи хизматрасонӣ дар иншооти сайёҳӣ рангин баён намуда, бо итминон изҳор доштанд, ки Тоҷикистон солҳои наздик ба рушди ҳарчи бештари сайёҳӣ муваффақ гардида, ба яке аз давлатҳои пешрафтаи сайёҳӣ дар минтақа мубаддал хоҳад гардид. Зеро Тоҷикистон дорои захираҳои бойи рекреатсионӣ буда, бо табиати дилфиребу нотакрораш таваҷҷуҳи сайёҳони хориҷиро бештар ҷалб месозад»,- илова намуд манбаъ.
Вазорати корҳои хориҷии Ҷумҳурии Тоҷикистон ва Сафорати Германия дар Тоҷикистон барои бозгашти ин сайёҳон тадбир андешида истодаанд.
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
