САРИ ХОСОР: аҳамияти ҷиддӣ ба рушди сайёҳӣ ва беҳтар намудани инфрасохтор

Апрель 29, 2020 11:24

БАЛҶУВОН, 29.04.2020. /АМИТ «Ховар»/. Дар ноҳияи Балҷувон, бахусус  дар мавзеи Сари Хосор баҳри рушди соҳаи сайёҳӣ ва беҳтар намудани  инфрасохтор аҳамияти ҷиддӣ дода мешавад. Дар ин мавзеъ, ки дар ҳама фасли сол табиати зебо дорад,  барои сайёҳон шароити зарурӣ муҳайё гардида истодааст. Дар фасли зимистон ҷангалзор ва кӯҳҳои Сари Хосор ҷомаи сафеди махмалин мегиранд ва дар ин ҷо баъзан то якуним  метр барф меборад. Масъулини бахши сайёҳии ноҳия  мақсад доранд, ки дар ин мавзеъ лижаронию дигар намуди варзиши зимистонаро ба роҳ монанд, менависад хабарнигори минтақавии АМИТ «Ховар» Сулаймон ХОЛОВ.  

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатӣ зикр намуданд, ки «рушди соҳаи сайёҳӣ самти афзалиятноки сиёсати давлати мо ба ҳисоб рафта, ҷиҳати боз ҳам тараққӣ додани он аз ҷониби Ҳукумати мамлакат вобаста ба пардохти андоз ва боҷҳои гумрукӣ як зумра  имтиёзҳо пешбинӣ гардидаанд. То имрӯз дар мамлакат зиёда аз 200 ширкати сайёҳӣ фаъолият дошта, 15 лоиҳаи инфрасохтори сайёҳӣ аз имтиёзҳои пешбинишуда бархурдор гардидаанд. Зарур аст, ки соли 2020 ва солҳои минбаъда шароити инфрасохтори сайёҳӣ дар ҳамаи мавзеъҳои сайёҳӣ беҳтар карда, сатҳу сифати хизматрасонӣ боз ҳам баланд бардошта шавад».

Новобаста ба бориши барфи зиёд ва сардӣ оби шаршараи Сари Хосор ба таври ҳамешагӣ ҷорӣ мебошад. Назди шаршара соли гузашта як меҳмонхонаи чорситорадори замонавӣ ба истифода дода  шуд. Дар ин меҳмонхона аллакай даҳҳо нафар сайёҳони дохилию хориҷӣ истироҳат намуда, бо табиати дилфиреби мавзеи Сари Хосор шинос шуданд.

Тавре раиси Ҷамоати деҳоти  «Сари Хосор» Ҳасан Иброҳимзода иттилоъ дод, «дар меҳмонхона утоқҳои барҳаво ва шароити зарурӣ муҳайё карда шудаанд. Барои шиносоӣ бо ин мавзеъ, ҳайвоноту наботот ва табиату сарватҳои табиии Тоҷикистон дар ин ҷо осорхона ташкил шудааст, ки сайёҳони дохилию хориҷӣ имкон доранд аз он дидан кунанд. Дар паҳлуи меҳмонхона майдончаи хурди футбол сохта шудааст, ки дар фасли зимистон низ дар он футболбозӣ мекунанд. Имсол дар назди меҳмонхона хаймаҳо гузошта мешаванд, то сайёҳон зимни боздид аз онҳо истифода баранд».

Балҷувон мавзеи туризми байналхалқӣ эълон шудааст ва дар ин мавзеъ барои рушди сайёҳии экологӣ, кӯҳнавардӣ, шикорӣ, табобатӣ ва ғайра имкониятҳо фароханд. Сохтмони меҳмонхонаи чорситорадор ва дигар меҳмонхонаҳо, ташкили варзиши лижаронию қаиқронӣ, аспсаворӣ ва шикор таваҷҷуҳи сайёҳонро ба ин минтақа бештар ҷалб менамояд.

Апрель 29, 2020 11:24

Хабарҳои дигари ин бахш

МУРОҶИАТНОМАИ Вазорати маориф ва илми Ҷумҳурии Тоҷикистон ба хонандагон, донишҷӯён, устодон, омӯзгорон, падару модарон ва аҳли маорифи мамлакат
ЛОИҚ ШЕРАЛӢ ВА ҲУВИЯТИ МИЛЛӢ. Ёдкард аз мақолаҳои таърихии шоири шаҳир ва публисисти шуълавари тоҷик дар рӯзи мавлудаш
ЁДБУД. Мӯъмин Қаноат — чеҳраи мондагори таърихи адабиёти тоҷик
ДАСТ БА ДАСТИ ҲАМ ДИҲЕМ! Муроҷиатномаи Вазорати фарҳанги Тоҷикистон ба мардуми мамлакат дар робита ба пешгирӣ аз коронавируси COVID–19
ИМРӮЗ – РӮЗИ УМУМИҶАҲОНИИ ОСОРХОНАҲО . Онҳо дар Тоҷикистон дар ҳифзу нигаҳдошт, бозшиносиву муаррифии ашёи гаронбаҳои мадании миллат саҳми босазо доранд
Дар Маркази таҳсилоти иловагии вилояти Суғд фаъолияти маҳфилҳо фосилавӣ ба роҳ монда шуд
Камол Насрулло, Шоири халқии Тоҷикистон: «Иқдомҳои Ҳукумати Тоҷикистонро набояд нодида гирифт»
ҚОИДАҲОИ ИМЛО: МУШКИЛОТ, ТАҲЛИЛ ВА ПЕШНИҲОДОТ. АМИТ «Ховар» андешаҳои вакили Маҷлиси намояндагон Саодатшо Матробиёнро манзур намуда, ҳамзамон онҳоро қобили баррасӣ ва таҳлили ҷиддӣ мешуморад
ҶАҲОНРО ЗЕБОӢ НАҶОТ МЕДИҲАД! Имрӯз танҳо ҳамбастагӣ, роҳ надодан ба ваҳму ҳарос ва риояи қатъии тавсияҳои табибон имкон медиҳад дар мубориза бо ин вирус дастболо гардем
АВВАЛ АНДЕША, БАЪД ГУФТОР! Вокуниши Академияи миллии илмҳои Тоҷикистон ба нигоштаи нодурусту бардурӯғи Радиои «Озодӣ»
ДАР ҲИФЗИ ҶОНИ МИЛЛАТ. Чакомаҳои Шоири халқии Тоҷикистон Камол Насрулло ба табибони ҳозиқ
Кумитаи рушди сайёҳӣ: аз хизматрасониҳои сайёҳӣ ва омаду рафти сайёҳон то муътадил гардидани вазъи хавфи бемории COVID-19 худдорӣ мешавад

Маводҳои таҳлилӣ