Тоҷикистон вобаста ба талаботи бозори сайёҳӣ мутахассисони ҳирфаӣ омода менамояд

Апрель 11, 2020 11:21

ДУШАНБЕ, 11.04.2020/АМИТ «Ховар»/. Омода намудани мутахассисони соҳаи сайёҳӣ вобаста ба равандҳои рушди бозори сайёҳӣ зимни ҳамоише, ки  дар Донишкадаи сайёҳӣ, соҳибкорӣ ва хизмат дар мавзӯи «Омодасозии кадрҳо бо ҳадафи рушди устувори сайёҳӣ дар Ҷумҳурии Тоҷикистон» доир гардид, матраҳ шуд. Ҳамоиш дар доираи лоиҳаи  «Рушди таҳсилоти олӣ дар Тоҷикистон» баргузор гардида, дар он  намояндагони Вазорати маориф ва илми ҷумҳурӣ, вазорати саноат ва технологияҳои нав, Кумитаи рушди сайёҳӣ  ва ҳайати устодони Донишкадаи сайёҳӣ,  соҳибкорӣ  ва хизмат иштирок намуданд.

Дар ҳамоиш зикр шуд, ки сайёҳӣ яке аз соҳаҳои умда ва афзалиятноки рушди иқтисодиёти миллӣ маҳсуб ёфта, Ҳукумати Ҷумҳурии Тоҷикистон, хусусан Пешвои миллат муҳтарам Эмомалӣ Раҳмон ба масъалаи рушди соҳаи сайёҳӣ таваҷҷуҳи хоса зоҳир менамоянд. Ин аст, ки  Сарвари давлат дар Паёмашон ба Маҷлиси Олӣ ба масъалаи омодасозии кадрҳои соҳаи сайёҳӣ таваҷҷуҳи махсус зоҳир намуда, онро омили калидии рушди соҳаи сайёҳӣ арзёбӣ намуданд.  Аз ин рӯ, рушди бемайлони бозори сайёҳӣ зарурати ҷорӣ намудани нигоҳи навро дар равандҳои таҳсилоти тахассусии сайёҳӣ ба миён меорад, гуфта шуд дар ҳамоиш.

Иштирокдорони ҳамоиш изҳор доштан, ки ҳолати омода намудани кадрҳои соҳаи сайёҳӣ вобаста ба равандҳои рушди бозори сайёҳӣ мушкилотест, ки сари он бояд андеша кард. Аз ин ҷо фароҳам овардани шароити муосири истифодаи технологияҳои пешқадами педагогии марбут ба рушди бозори сайёҳӣ ва татбиқи ҳамаҷонибаи он дар раванди таҳсилоти тахассусӣ ва такмили ихтисоси кормандони соҳа зурур аст.

Иштирокдорони ҳамоиш ҳазамон роҷеъ ба  масъалаҳои омода намудани мутахассисони бахши сайёҳӣ дар мамлакат,  самтҳои муҳими мукаммалсозии низоми таҳсилоти тахассусии соҳаи сайёҳӣ   ва рушди сайёҳии байналмилалӣ дар Ҷумҳурии Тоҷикистон: тамоюл ва дурнамо ибрози назар намуда, пешниҳодҳои судманд баён карданд.

Баррасии масъалаи омода намудани мутахассисони  касбии бахши сайёҳӣ дар мамлакат дар ҳолест, ки соли 2018 дар Ҷумҳурии Тоҷикистон «Стратегияи рушди сайёҳӣ барои давраи то соли 2030» қабул гардид. Инчунин аз ҷониби Пешвои миллат муҳтарам Эмомалӣ Раҳмон солҳои 2019-2021 дар ҷумҳурӣ «Солҳои рушди деҳот, сайёҳӣ ва ҳунарҳои мардумӣ» эълон карда шуд, ки  ҳадафаш боз  ҳам обод кардани Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаҳои маорифу тандурустӣ, таъсиси ҷойҳои корӣ, таъмини  аҳолии деҳот бо оби босифати ошомиданӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум дар ҳар як деҳа ва маҳалли аҳолинишин мебошад.

Апрель 11, 2020 11:21

Хабарҳои дигари ин бахш

МУРОҶИАТНОМАИ Вазорати маориф ва илми Ҷумҳурии Тоҷикистон ба хонандагон, донишҷӯён, устодон, омӯзгорон, падару модарон ва аҳли маорифи мамлакат
ЛОИҚ ШЕРАЛӢ ВА ҲУВИЯТИ МИЛЛӢ. Ёдкард аз мақолаҳои таърихии шоири шаҳир ва публисисти шуълавари тоҷик дар рӯзи мавлудаш
ЁДБУД. Мӯъмин Қаноат — чеҳраи мондагори таърихи адабиёти тоҷик
ДАСТ БА ДАСТИ ҲАМ ДИҲЕМ! Муроҷиатномаи Вазорати фарҳанги Тоҷикистон ба мардуми мамлакат дар робита ба пешгирӣ аз коронавируси COVID–19
ИМРӮЗ – РӮЗИ УМУМИҶАҲОНИИ ОСОРХОНАҲО . Онҳо дар Тоҷикистон дар ҳифзу нигаҳдошт, бозшиносиву муаррифии ашёи гаронбаҳои мадании миллат саҳми босазо доранд
Дар Маркази таҳсилоти иловагии вилояти Суғд фаъолияти маҳфилҳо фосилавӣ ба роҳ монда шуд
Камол Насрулло, Шоири халқии Тоҷикистон: «Иқдомҳои Ҳукумати Тоҷикистонро набояд нодида гирифт»
ҚОИДАҲОИ ИМЛО: МУШКИЛОТ, ТАҲЛИЛ ВА ПЕШНИҲОДОТ. АМИТ «Ховар» андешаҳои вакили Маҷлиси намояндагон Саодатшо Матробиёнро манзур намуда, ҳамзамон онҳоро қобили баррасӣ ва таҳлили ҷиддӣ мешуморад
ҶАҲОНРО ЗЕБОӢ НАҶОТ МЕДИҲАД! Имрӯз танҳо ҳамбастагӣ, роҳ надодан ба ваҳму ҳарос ва риояи қатъии тавсияҳои табибон имкон медиҳад дар мубориза бо ин вирус дастболо гардем
АВВАЛ АНДЕША, БАЪД ГУФТОР! Вокуниши Академияи миллии илмҳои Тоҷикистон ба нигоштаи нодурусту бардурӯғи Радиои «Озодӣ»
ДАР ҲИФЗИ ҶОНИ МИЛЛАТ. Чакомаҳои Шоири халқии Тоҷикистон Камол Насрулло ба табибони ҳозиқ
Кумитаи рушди сайёҳӣ: аз хизматрасониҳои сайёҳӣ ва омаду рафти сайёҳон то муътадил гардидани вазъи хавфи бемории COVID-19 худдорӣ мешавад

Маводҳои таҳлилӣ