РУСИЯ ИСТИҚЛОЛИЯТИ ИРИСТОНИ ҶАНУБӢ ВА ОБХОЗИСТОНРО ЭЪТИРОФ НАМУД

Президенти ин мамлакат Дмитрий Медведев зикр кард, ки дар ин бора фармон имзо кардааст. Русия давлатҳои дигарро даъват мекунад, ки ба ӯ пайравӣ намуда, истиқлолияти Иристони Ҷанубӣ ва Обхозистонро эътироф кунанд. Ин роҳи ягона ва дурусти наҷоти одамон аз табъизи нажодӣ мебошад, гуфт Д.Медведев. Хабар дода мешавад, ки Президенти Русия дар ин бора баъди муроҷиати президентҳо ва парлумонҳои Ирристони Ҷанубӣ ва Обхозистон дар ин масъала қарор қабул намудааст. Чанде пеш Шӯрои федератсия ва Думаи давлатӣ президентро даъват карда буданд, ки истиқлолияти ин ҷумҳуриҳоро расман эътироф кунад.