СОЗИШНОМАИ СОХТМОНИ НЕРӮГОҲИ БАРҚИ ОБИИ «НУРОБОД – 2» БА ШИРКАТИ ЧИН ДОДА ШУД
Лоиҳаи созишнома ба ҷониби Чин супорида шуд. Мутахассисони Чин баъди имзои созишнома ба омода сохтани ҳуҷҷатҳои техникию иқтисодии сохтмони нерӯгоҳ шурӯъ менамоянд. Баъди ин маблағи пешакии сохтмон ва усули бунёди нерӯгоҳ муқаррар карда мешавад. Нерӯгоҳи барқи обии «Нуробод – 2» 23 километр болотар аз минтақаи поёноби дарёи Хингоб сохта мешавад. Иқтидори лоиҳавии он 200 мегаватт мебошад. Нерӯгоҳ ҳар сол 740 миллион киловатт – соат қувваи барқ истеҳсол мекунад. Мухбири АМИТ «Ховар» ёдовар мешавад, ки Президенти Ҷумҳурии Тоҷикистон Эмомалӣ Раҳмон зимни сафараш ба Пекин бо раиси ширкати «Синохайдро» Фан Сзисян мулоқот карда буд. Роҳбари ширкат ҳамон вақт зикр карда буд, ки ба иштирок дар сохтмони нерӯгоҳҳои барқии Тоҷикистон мароқи калон зоҳир менамояд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
