ҶАМЪОВАРИИ ПАХТА ДАВОМ ДОРАД

Ҷиликӯл, 26 сентябр. (АМИТ «Ховар», Мурод Сотиев).- Дар ноҳияи Ҷилликӯл то имрӯз 7 ҳазор тонна пахта ҷамъ оварда шудааст, ки ба 36 фоизи нақшаи солона баробар аст. Деҳқонони ноҳия дар мавсим бояд ба марказҳои қабул 20 ҳазору 330 тонна пахта су-поранд. Мухбири АМИТ «Ховар» хабар медиҳад,ки имрӯзҳо дар пахтазори ноҳия то 7 ҳазор нафар чинакчӣ кор мекунад. Сарагрономи шӯъбаи кишоварзии ноҳия Олтибой Ҳақназаров хабар дод, ки барои сари вақт ҷамъ овардани пахта ҳатто донишҷӯён ба кӯмаки деҳқонон ҷалб карда шуданд.Дар ноҳия 355 хоҷагии деҳқонӣ фаъолият дорад, ки аз он 115 хоҷагӣ ба парвариши пахта машғул мебошад. О.Ҳақназаров зикр намуд, ки музди кори чинакчиён сари вақт дода мешавад.