ДАР ҶАМОАТИ ВОРУХ МАКТАБИ НАВ КУШОДА ШУД

            Исфара, 2 сентябр. (АМИТ «Ховар», Санавбар Мақсудова), — Дар деҳаи Сари дашти ҷамоати Ворухи ноҳияи Исфара дар арафаи соли нави таҳсил мактаби нав ба истифода дода шуд. Дар ҷамъомади ботантанаи ба ин муносибат барпогардида раиси вилояти Суғд Қоҳир Расулзода ширкат варзид. Деҳаи Сари дашт аз маркази ноҳия дар масофаи 60 километр дар наздикии сарҳади Қирғизистон воқеъ мебошад.           Бояд гуфт, ки бинои мактаби деҳа кӯҳнаю фарсуда гардида буд. Бо супориши Президенти ҷумҳурӣ барои сохтмони бинои нави мактаби дуошёна 820 ҳазор сомонӣ ҷудо карда шуд. 180 ҳазор сомонии дигар аз ҳисоби буҷети маҳаллӣ ва тоҷирону соҳибкорони маҳаллӣ ҷудо гардид. Мактаб барои 240 талаба пешбинӣ карда шудааст.